ene djivêye ki vude tos les moes (plait-st a Diè), apus ki: e moes d' måss ey e moes d' octôbe.

Dins cisse fornêye cial:

Mots entrés par thème. Mots intrés pa tinme

• Vocabulaire de saison. Motî d' såjhon.
• La famille: Intrêyes so des mots k' on dit el famile.
• Jeu de guilles et "guille de table". Li djeu d' ribolete et d' beyes.

Mots étudiés quasi exhaustivement. Mots (cåzu) spepyîs pår.

• Le bassin des vaches. "clon" et ses parints.
• Le milieu. emé, emîtrin, mîtrin.
• Le sarrasin, en culture ou en crêpe. boûkete
• Suite de l'étude des dérivés de "double". Co des parints di "dobe".

Mots entrés pêle-mêle. Mots intrés hatche et matche.

• Mots récememnt normalisés. Mots rfondous lanawaire: soumey.
• Entrées rapides Sacwants mots fwaits al varade.
• Entrées illustrées. Intrêyes saetcheyes lanawaire e poirtrait.

Villages et personnalités (littéraires et non littéraires) wallonnes. Des viyaedjes et des djins.

Quelques mots "modernes". Sacwants mots d' ådjourdu (pacô riprin di vî vî mots).

Grammaire: Croejhete.

• Le suffixe -indje.Li cawete -indje.

Corrections et rajoutes. Ricoridjaedjes et recråxhaedjes.

Vocabulaire de saison: l'hiver.

Mot di ç' såjhon cial: l' ivier.

<!DF> djaler I. [v. sins djin] fé on tins wice ki l' aiwe toûne a glaece. Il va djaler del nute: les stoeles xhinèt des dints. Schoyoz l' feu, Zabele, Pu vnoz dins mes djnos; Po nos tni tchôd cwand i djale, Recoulotans nos (J. Bertrand). F. geler. >> djaler tot blanc: djaler et k' on croet k' on-z a spårdou ene blanke poure totavå. On dit eto: reler, mårler. F. gelée blanche. >> djaler a furlotches: djaler et k' gn a come des furlotches ki pindèt ås coxhes. rl a: djivronde. F. givrer. >> djaler a tchandeles ; djaler a glaece: djaler foirt, et k' gn a des tchandeles di glaece après les toets. >> djaler a biesse; u: djaler a pire finde: djaler foirt. rl a: fé xhiltant. >> pus djale-t i, pus strénd-t i: dijhêye cwand ça va todi pus må. >> i n' djale nin so l' mårlaedje: cwand il a mårlé (relé), et k' ça dmeure, li nute ki vént, i n' ridjalrè nén. >> raetchîz dsu et priyîz l' Bon Diu k' i djale !: dijhêye po balter ene sakî k' a spiyî on casson: s' i djale, les bokets si vont rcoler. II. [v.s.c.] dins les djeus d' efant, ens aler pus lon erî di çou k' on doet trover. rl a: broûler. F. s'éloigner. Parintêye: djalêye, edjaler, disdjaler, ridjaler, redjaler. Disfondowes : djaler, djalè, djèler. Etimolodjeye: latén gelare (minme sinse), avou a-divnance del voyale do prumî pî. | djalant [addj.] fé djalant. I fwait djalant, ouy. rl a: cayant, edjalant. F. glacial. Disfondowes : djèlant, djalant, djalont. | djalaedje [o.n.] djalêye. Gn aveut yeu on foirt djalaedje. F. gel. Disfondowes : djaladje, djalèdje, djalâdje, djèlâdje.

djaler 2 [v.c. & v.s.c.] (li froed a djalé mes canadas; mes fleurs djalèt l' ivier). rl a: edjaler.

djèler rl a: djaler; djèléye rl a: djalêye.

djalter [v. sins djin] waire djaler. I djaltêye. Il aveut djalté å matén. Disfondowes : djalter, djaltè, djalotè, djèloter | djaltaedje [o.n.] pitite djalêye nm, action de geler çà et là, nf, djaletadje [C1]

djaltiner [v. sins djin]. djalter. I djaltene co, mins on rsint ddja l' bontins.

djalêye 1 [f.n.] 1. sôre di nive ki s' fwait pa edjalaedje del rozêye al tere. Li djalêye a cût mes féves. Les verdeures ont stî prinjhes pa l' djalêye. On dit eto: emårlaedje, mårlaedje, måle (3), råle (2), relêye. F. gelée. >> blanke (u: claire) djalêye: edjalaedje del rozêye del nute, dabôrd k' i n' djale nén do djoû. F. gelée blanche. >> one poyowe djalêye: djalêye ki leye come des poys après les fis, les åbes. On dit eto: djivronde. F. givre. >> poyowe djalêye est d' pô d' durêye; u: li (blanke) djalêye a s' cou rlavé: i rploût docô après. >> li djalêye do vinrdi° sint ni fwait pont d' toirt ås fleurs. >> djalêye e moes d' avri et d' may, c' est des mizeres a tot scheter: paski totes les verdeures ki vnèt d' esse semêyes, les åbes ki boutèt vont edjaler. 2. tins k' i fwait dizo d' 0 dgré. Pa ç' djalêye ci, nos irans a l' glisseure so l' fosse. Ci pire la n' aléve nén po basti: ele tournéve a rén avou les plouves et les djalêyes (ramexhné pa J. Germain). A l' ivier, cwand les stoeles xhinèt les dints, c' est sene di djalêye (ramexhné pa M. Anselme). F. gel. >> noere djalêye, djalêye ki coixhe: grand froed di hôte bijhe. >> Li tins eva a l' djalêye; u: si va mete a l' djalêye; u: si rtape a djalêye: i va fé dizo zero tins del nute. >> del nive so des broûs, del djalêye divant troes djoûs: foirt kinoxhou spot po-z anoncî l' tins, k' on dit cwand i rnive, et k' i vént di rlignî. Disfondowes : djalêye, djaléye, djalée, djèléye.

djalêye 2 rl a: djelêye.

djalêye 3 rl a: diale \ dialêye.

djelêye 2 [f.n.] 1. sôre di prinjhe sirôpe, k' on fwait avou sacwants fruts (gurzales, di pemes, di poeres). Dj' a mindjî del djelêye so m' tårtene. F. gelée. 2. djus d' tchå raclairi, et divnou gloumiant. Del djelêye di vea. On nos a siervou on pî d' pourcia avou toplin del djelêye. F. gelée. >> del djelêye d' oxheas: djelêye k' on saetche foû des oxheas, et k' on fwait totès sôres avou (coles, froukes, evnd.). F. gélatine d'os. 3. prodût tchimike del minme cogne, k' on saetch di des ales. I plonkèt dins l' aiwe po ramasser les ales, k' i rvindèt po fé del djelêye. F. agar-agar. 4. prodût k' on mete so ses tchveas po les fé plaker. Dinez mu 10 uros po-z atchter ene djelêye po mes tchveas. F. gel. Disfondowes : djalêye, djèléye, djèlêye.

diale | dialêye [f.n.] kipagneye di diales. >> evoyî a l' dialêye: evoyî å diale. Disfondowes : djalêye, djâlêye, dialêye.

vénrdi [o.n.] cénkinme djoû del samwinne, li shijhinme po les Djwifs et ls Arabes. >> Vénrdi Sint u Bon° Vénrdi; u Peneus Vénrdi: Vénrdi dvant Påke. rl a: divénr. >> li djalêye do vinrdi sint ni fwait pont d' toirt ås fleurs: croeyance. Disfondowes: vinrdi, véⁿrdi, vêrdë, vanrdi. (miersipepieuzmint al Mape ALW 3, 44). Etimolodjeye: latén "dies Veneris" (djoû d' Venus, diè des Romins), avou raplacaedje tîxhon "Veneris dies" (Venus-djoû).

edjaler I. [v.c.] 1. rinde deur come del glaece. Li froed a edjalé nos canadas el cåve. rl a: djaler, disdjaler. F. geler. 2. mete (di l' amagnî) dins èn edjaloe. F. congeler. 3. (imådjreçmint) espaitchî (des cwårs) d' esse rissaetchîs d' on conte, espaitchî (on pordjet) d' avancî. F. geler. II. [v.s.c.] 1. divni deur come del glaece, tot djåzant d' ene sacwè avou d' l' aiwe divins, ki dmeure dizo 0° C. Mes fleurs edjalèt di l' ivier. Nos canadas ont edjalé. Si to metes ditrop dins l' frigo d' on côp, ça n' edjalrè nén rade assez. 2. (pus stroetmint) aveur foirt froed. N' alez nin vaila; vos edjalroz. On-z edjaléve dins ces grands tchesteas la. F. geler, se congeler. III. s' edjaler [v.pr.] (imådjreçmint) haper froed. Dji m' a-st edjalé a vs ratinde. On s' edjale, cial. F. prendre froid, geler. Parintêye: disdjaler, djalêye, djaler. Disfondowes : èdjaler, èdjalè, adjaler, adjalè. | edjalé, -êye I. [addj.] 1. k' a divnou (come) del glaece. On pout bén passer l' aiwe, elle est edjalêye. On-z aveut yeu målåjhey foirci l' tere edjalêye (J.P. Dumont). rl a: redjalé. F. gelé. 2. k' a divnou tot deur, d' esse passé dizo 0°, tot djåzant d' amagnî k' on wåde e l' adjaloe. F. congelé. 3. tot froed. Dj' a les pîs edjalés. F. frigorifié. 4. ki creve di froed. D' aveur ratindou l' otobusse on cwårt d' eure, dji so edjalé. F. gelé, frigorifié, transi de froid. II. [o.f.n.] (imådjreçmint) 1. onk (ene) k' a todi froed. C' est on edjalé. F. frileux. 2. onk (ene) ki n' a nou sintimint. C' est on edjalé ki n' a ni cour ni åme. F. insensible, froid, distant, frigide, impassible, indifférent. Disfondowes : èdjalé, êye, èdjalè, ée. | edjalant, e [addj.] fé edjalant. fé foirt froed. I fwait co edjalant, on n' såreu co låtchî. rl a: djalant. F. temps glacial, rigoureux, polaire. | edjalaedje [o.n.] no d' fijhaedje et no di çou k' est fwait (accion eyet si adierça) pol viebe "edjaler". F. gel, congélation, solidification. | edjaleure [f.n.] candjmint del pea (des doets, des pîs, des lepes) k' a stî edjalêye. F. engelure. Po ls edjaleures, fåt rafuler ses pîs avou des foyes di tchinne, u prinde des bagnes dins d' l' aiwe k' a cût avou on ni d' pixholetes. | edjaloe [o.n.] meube di manaedjes, des botchîs, la k' on mete di l' amagnî a edjaler por lu s' wårder tant k' on vout; ça pout esse èn eclostea do frigo. F. congélateur. Ingl. deep-freezer. Disfondowes : adjaloû, èdjalwè, èdjaleu. Etimolodjeye : viebe edjaler, cawete -oe, 1993. | edjalmint [o.n.] codujhance d' ene sakî, d' on martchî ki n' est nén tchôd po fé ene sacwè. Après li crevaedje del bouye Etrernete, c' esteut l' edjalmint emé les societé di telefones po co fé des investixhmints. F. frilosité. Etimolodjeye : viebe edjaler, cawete -mint, 2004.

A hintche: li Smwès edjalêye (poirtrait saetchî pa Martine Mahin); a droete èn ome edjalé ritrové pa ene espedicion polaire (poirtrait saetchî pa J. Schoovaerts). <! hapé so Rabulets, mins dji n' l' a nén e coleurs)>.

adjaler rl a: edjaler.

ridjaler u erdjaler rdjaler [v. sins djin] djaler co on côp. I rdjalrè co ç' nute ci ! rl a: redjaler. F. regeler.

redjaler [v.c.] edjaler èn amagnî k' aveut stî disdjalé. I n' fåt måy redjaler del nouriteure. rl a: ridjaler. F. recongeler. | redjalé, êye [addj.] edjalé après aveur rilignî. Li relêye, ça pout esse eto del nive redjalêye. F. regelé. Disfondowes : radjalé, rèdjalé.

mårler I. [v.sins djin] 1. djaler tot blanc (come s' i on-z åreut stramé del måle so tere). On dit eto: reler. rl a: emårler. F. givrer, avoir une gelée blanche. >> mårler sol tiesse d' ene sakî: po dire k' il atrape des blancs tchveas. Dissu m' poy tot crolé, A poenne a-t i mårlé (C. Wérotte). On dit eto: niver. F. cheveux gris. 2. toumer ene fene plouve come del nive. I mårlêye, valet, rimoussans å coulot ! F. tomber du grésil. II. [v.s.c.] stårer al måle so on tchamp. F. marner. Disfondowes : mârler, maurler, maurlè, mauyler, maulier. Etimolodjeye : viebe fwait sol bodje "mårl-" (måle 3). | mårlaedje [o.n.] blanke djalêye. F. gelée blanche, givre. Disfondowes : maurlèdje, maurladje. | mårlêye [f.n.] blanke djalêye.

mårlire I. [f.n.] 1. cårire di måle. F. marnière. 2. plaece k' on-z î a saetchî al måle, et k' gn a des trôs dins tere ki sont rcovrous pa del fene tere, et k' on pout toumer dvins. Il a toumé dins ene mårlire (H. Forir). Les mårlires sont bounes po-z î mete des vegnes. F. ancienne marnière. >> ås Mårlires: no d' ene plaece di Malonne (so plaece: aus Maurlêres). >> les Mårlires: no d' ene plaece di Welin. >> El Mårlire: no d' ene plaece d' Esneu, di Viyé-ås-Toûs. >> Mårlire: no d' ene plaece di Moucron (so plaece: Marlière). II. Mårlire [n.dj.] no d' famile di Walonreye, e F. Marlair, Marler, Marlaire, Marlière. Disfondowes : marlêre, maurlêre, mârlîre, maurlîre. Etimolodjeye : bodje "mårl-" (måle 3); cawete -ire. | mårloye I. [f.n.] (v.v.m.) mårlire. F. marnière. II. Mårloye [n.pl.] hamtea d' Waha, ki s' a diswalpé dipus k' el viyaedje, di cåze del gåre di tchmin d' fier, croejhlåde del lene Brussele Lussimbork avou l' voye ki vént d' Lidje. III. [n.dj.] no d' famile di Walonreye, e F. Marloye, Marloy, Marloie. Disfondowes : Maurlôⁿye, Mârloye, Maurlwè, Mârlwa, Marlwa. Vîs scrijhas: Marlida (817). Etimolodjeye : bodje "mårl-" (måle 3); cawete -oye. | mårloyea I. [n.pl.] pitite mårlire. >> Mårloyea: no d' ene plaece di Flobek (so plaece: Marloyô). II. [n.dj.] sipotaedje des djins d' Nålene et d' Marbwê (di cåze des mårlires k' i gn aveut låvå). Disfondowes : Marloya, Maurloya. | mårloyeus, e [addj.] avou del måle divins, tot djåzant d' ene tere. Li Tchampagne, c' est totès mårloyeusès teres: c' est la k' on-z a l' meyeu des véns. F. marneux. Disfondowes : mauleus, maurleus, mârleus. Etimolodjeye : bodje "mårl-" (måle 3); dobe cawete -oye + -eus, 2004.

payizaedje del Tchampagne (dilé Rinse), ki mostere bén çou k' gn a del måle dins tere (poirtrait saetchî pa L. Mahin).

måle 3 [f.n.] 1. blanke tere castinnixheuse, k' on sieve po-z ecråxhî po-z ecråxhî les surès teres. rl a: mårlire, mårloye. F. marne, Ny mergel, Ingl. marl, Almand Mergel, itålyin & castiyan marga. 2. blanke poûssire des cårire di tchåsse (eto come ecråxhe). F. dolomie pulvérisée. >> taper al måle so ene tere: mete del måle. On dit eto: mårler. F. marner, chauler. 3. (imådjreçmint) blanke djalêye (ki shonne come del blanke poûssire sitramêye totavå les tchamps). Les åbes sont-st e måle. On dit eto: emårlaedje, mårlaedje, relêye. F. givre, gelée blanche. Parintêye: (sol bodje "mårl-"): mårler, mårlire, mårloye, mårloyea, mårloyeus, mårlaedje, mårlêye, emårlé, emårlaedje. Disfondowes : maule, mauye. Etimolodjeye : bodje gayel "margila" (minme sinse).

måle 1 [femrin addj., ki l' omrin est "måvas"] 1. mwaijhe, ki n' va nén. Il a ene måle djambe. On dit eto: laide. F. mauvaise. 2. mwaijhe, metchante, ki fwait do må, do toirt. On dit eto: laide, nixhe, mannete, måsseye. F. méchante. >> måle gueuye: feme ki cdjåze tertos. F. méchante langue, médisante, langue de vipère. >> gn a nou måvas côp so ene måle biesse: dijhêye cwand on bouxhe so ene sakî kel merite. 3. mwaijhe, måvlêye. On dit eto: courceye. F. fâchée, irritée. >> esse vite måle: si mwaijhi po on rén. Si feme est vite måle (H. Forir). F. susceptible, irritable. Disfondowes : mâle, maule. Etimolodjeye : latén "malum" (må). Disfondowes : maule, mâle. Coinrece Payis d' Lidje.

måle 2 I. [o.n.] omrinne biesse. rl a: frumele. >> moenner å måle: moenner ene troye e tcholeurs å verat, po s' fé potchî. F. faire saillir. II. [addj.] foirt bon. C' est on måle tchanteu et djoweu di sketchs. Disfondowes : mâle, maule, mâye. Etimolodjeye : laté "masculus" (minme sinse).

emårlé [addj.] covrou, covrowe di djivronde u d' blanke djalêye. Les håyes sont-st èmårlêyes. On dit eto: erelé, edjalé. rl a: måle, mårler. F. givré, gelé. Disfondowes : amârlé, amaurlé, èmârlé, èmaurlé, miersipepieuzmint el mape A.L.W. 3.21 ey el notûle ALW 3.79. Etimolodjeye : bodje "mårl-" (måle 3); betchete e- (plin d' måle). | emårlaedje [o.n.] 1. blanke djalêye (al tere). F. gelée. 2. djivronde (djalêye so les åbes et so les toets). Gn a d' l' emårlaedje, i va rlignî. F. givre. Disfondowes : amaurladje, èmaurladje, amaurlâdje, èmaurlèdje.

Å matén, les tchamps estént tot emårlés (poirtrait saetchî pa L. Mahin).

råle 2 [f.n.] djivronde. On dit eto: måle (3). F. givre. rl a: reler. Disfondowes : raule, râle, rîle.

rîle 2 rl a: råle 2.

reler [v. sins djin] djaler. Les poeres di cwin ont leyî leus pwels didins mes mwins : il a ddja bén relé (M. Debar). Cwand i rele, on cût les messes (A. Carlier & W. Bal). F. geler. >> reler tot blanc; u: fén blanc: djaler tot blanc. Il a co relé tot blanc cisse nute ci. F. tomber du givre, geler blanc. rl a: ereler. Disfondowes : rauler, rèler, rèlè, râler, rîler, rîzler, miersipepieuzmint ey el notûle ALW 3.77. Etimolodjeye : tîxhon "rislen" (plouviner, toumer ene fene plouve come del nive), almand "rieseln". | relaedje [o.n.] 1. djalaedje. F. formation de gelée blanche. 2. djivronde. F. givre. Disfondowes : rèladje, raulèdje. | relêye [f.n.] 1. blanke djalêye. El paxhi est tot blanc d' relêye. F. gelée blanche. 2. djivronde. S' i nive on pô, avou l' relêye, les brantches do poerî vont schoter. F. givre. 3. fene plouve edjalêye. F. grésil. 4. nive redjalêye. F. neige gelée. Disfondowes : rèléye, raulêye, râlêye, raulèye, rîlée, rilée, rèlêye, miersipepieuzmint el mape A.L.W. 3.21 ey el notûle ALW 3.77.

erelé, -êye [addj.] emårlé. Les håyes sont-st erelêyes. F. gelé, givré. On dit eto: edjalé. Disfondowes : èrèlè, èrèlé, èrålé, arîlé. Etimolodjeye : bodje "rel-" (råle 2, rl a: reler), betchete di betchete e- (plin d' råle).

reltiner [v.s.dj.] toumer ene pitite fene edjalêye plouve. F. tomber du grésil. Disfondowes : raultiner, rèltiner.

råler, rålèdje, rålêye rl a: reler.

djivronde [f.n.] edjalaedje so les fniesses, u ki pind après les fyis d' telefone, di corant, evnd. Les gros fis des sinås n' ridént pus s' leus rôletes; I gn aveut del djivronde partot disk' a l' copete (L. Piron). On dit eto: poyowe djalêye, måle, mårlaedje, mårlêye, emårlaedje, råle, relaedje, relêye, djivrondaedje. F. givre. Disfondowes : djivronde, djivron (omrin), djivron (femrin), djèvronde, tchèvronde, miersipepieuzmint el mape A.L.W. 3.21 ey el notûle ALW 3.78. Coinrece Basse-Årdene. | djivrondaedje [o.n.] djivronde. Disfondowes : djèvrondadje, djivrondèdje. F. givrage.

rilignî u erlignî / rilignî I. [v. sins djin] fé pus doûs, tot djåzant do tins, ki dmeure toltins dizeu zero, adon ki dvant, i djaléve tofer. Li vint a tourné, por mi, i va rlignî (P. Defagne). Li tins s' radoûcixh; i va rlignî (A. Balle). Cwand i rlegne, les meurs sonnèt (H. Forir). Les semaedjes schitèt cwand i rlegne (L. Boulard). I fåreut ki cist emårlaedje la fijhaxhe rilignî (J. Waslet). F. faire un temps de dégel. II. [v.s.c.] 1. fonde. Li glaece rilegne. F. fondre. 2. disdjaler, tot djåzant d' ene ahesse k' esteut prinjhe del glaece. Li robinet rlegne. Mouze rilignrè sins oister (H. Forir). Les toets rlignèt (E. Dethier). F. dégeler. 2. disdjaler, tot djåzant d' èn edjalé amagnî. Dji rexhe li tchå di l' adjaloe al nute, come ça el rilegne tot doûçmint. <! Po Dethier, wårder "rilignî" pol glaece, et "disdjaler" po l' amagnî: Les toets rlignèt mins li tchå foû do frigo disdjale (E. Dethier)>. F. se décongeler. 3. (imådjreçmint) si sgoter. F. couler. >> aveur si nez ki rlegne: aveur todi ene gote å nez, di cåze d' on matchurea. III. [v.c.] 1. fé fonde. Li solea a rlignî l' flô. El plouve erlegne el nive (F. Deprêtre et N. Nopère). F. faire fondre. 2. disdjaler. Dj' a rlignî l' tchå k' esteut e frigo. F. décongeler. 3. bate sins remission, dins les djeus d' cwåtes, u les djeus d' cwårs. Il a stî rlignî, mi ome. On dit eto: ploumer. F. décaver. Parintêye: rilignter, dislignî. Disfondowes : r(i)lignî, r(i)ligni, r(u)lignî, (è)rlègni, (è)rlègnî, r(i)lègnî, (è)rlignî-n, r(u)ligner, r(u)lignè, r(ë)ligner, miersipepieuzmint el mape A.L.W. 3.24 ey el notûle ALW 3.85. Etimolodjeye : bodje latén "lenus" (doux), betchete ri- (1), cawete -î des viebe del deujhinme sôre. | rilignaedje u erlignaedje / rilignaedje [o.n.] no d' fijhaedje et no di çou k' est fwait (accion eyet si adierça) pol viebe "rilignî". Av' dedja tchåfé d' l' aiwe pol rilignaedje do saiwoe ki dji vs a dit ? (H. Forir). Hinri Crotchet voyaedjive sovint cand les aiwes estént grosses après èn oraedje u å rlignaedje del nive (P. Siméon). rl a: rilén, disdjalaedje, dislignaedje. F. dégel, décongélation, fonte des neiges, débacle. Disfondowes : r(u)lignadje, (u)lignèdje, r(u)lignâdje, (è)rlignâdje, r(i)lègnadje, (è)rlègnâdje, r(i)lignèdje, | rilén u erlén / rlén [o.n.] moumint, såjhon k' i rlegne. Nos avans yeu on foirt rilén (L. Pirsoul). On mwais rlén e moes d' djanvî 1505 a fwait k' les glaeçons ont stopé l' pont d' Sambe (J. Godenne). Avou on doûs rlén, on n' a nén des grandès aiwes (H. Forir). I va ploure, nos alans aveur do rlén (Carlier & Bal). I gn a pont d' bon rlén sins plouve (Carlier & Bal). C' est l' deujhinme erlén d' l' ivier (F. Deprêtre et N. Nopère). On sint ene air d' erlén: el gotire court (P. Defagne). Li nive ni fond nén trop rade: c' est on bea rlén (J. Coppens). On dit eto: rilignaedje, dislén, disdjale. F. dégel, fonte des glaces. Disfondowes : r(i)lin, r(i)legn, r(u)lègn, r(u)lign, r(u)lêgn, r(u)lingn, r(ë)lin, r(i)léⁿ, (è)rléⁿ, (è)rlé, (è)rlin, (èr)lign; miersipepieuzmint el mape A.L.W. 3.25 ey el notûle ALW 3.86. Vîs scrijhas: relain, reling, relin. Etimolodjeye : sivierba di "rilignî".

"rilignî" est on viebe tipicmint walon, ki wangne minme so l' aire do picard (mape da L. Hendschel, avou les dnêyes del mape ALW 3.24).

rlegn rl a: rilignî \ rilén.

èrlin rl a: rilignî \ rilén.

rlin rl a: rilignî \ rilén.

rilén rl a: rilignî \ rilén.

èrlin rl a: rilignî \ rilén.

rlegn rl a: rlén.

ruligne rl a: rilignî \ rilén.

rilignter [v. sins djin] kimincî a rlignî. F. faire un temps de début de dégel. Disfondowes : r(i)ligntè, r(i)lignter, (è)lignter. | riligntaedje [o.n.] pitit rlignaedje. Disfondowes : r(i)ligntadje, r(i)ligntèdje, (è)rligntèdje.

disdjaler I. [v.s.c.] rilignî. Metoz vos pomes å feu, vos les froz disdjaler. Li tonia a l' gotire comince a disdjaler. Li tchå foû do frigo disdjale (E. Dethier). On dit eto: dislignî. F. dégeler. II. [v.c.] 1. (fé) rlignî. Li feu disdjale les pemes. Fijhoz tchåfer d' l' êwe po disdjaler l' pompe. Prindoz del tchôde aiwe po disdjaler l' frigo. On dit eto: dislignî. F. dégeler, dégivrer. 2. (pus stroetmint) rimete èn amagnî a timperateure del tchambe, por lu rlignî. I n' a nén disdjalé ses såçusses. F. dégeler, décongeler. 3. (imådjreçmint) restchåfer (des rlåcions inte deus djins k' estént higne et hagne). F. dégeler. Disfondowes : d(i)djaler, d(u)djaler, disdjalè, disdjaler, dèsdjaler, miersipepieuzmint el mape A.L.W. 3.24 ey el notûle ALW 3.85. | disdjale [o.n.] rilén. On bea disdjale. On dit eto: dislén. F. dégel. Disfondowes : dèsdjèl, , dèzdjel, dèjèl, dèdjale, disdjale, miersipepieuzmint el mape A.L.W. 3.25 ey el notûle ALW 3.86. | disdjalaedje [o.n.] rilignaedje. Disfondowes : dusdjaladje, d(u)djalèdje, disdjalèdje. | disdjalêye [f.n.] dobleure (volêye di côps et pierdaedje sins rispiter). F. raclée. Disfondowes : dèjèlêye, disdjalêye.

dèjèl, dèlèlêye rl a: disdjaler.

dèsdjèl rl a: disdjaler.

dislignî [v. sins djin, v.s.c. & v.c.] rilignî. I dislegne. I va dislignî. Li tere a dislignî å solea. Li solea dislegne li tere. Li robinet est edjalé, el fåreut dislignî. I fåt dislignî l' cuvale. On dit eto: disdjaler. F. dégeler. Disfondowes : d(i)lignî, d(u)ligner, d(i)lignè, dusligni, dèslignè, dislignè, dislignî, miersipepieuzmint el mape A.L.W. 3.24 ey el notûle ALW 3.85. | dislignaedje [o.n.] rilignaedje. F. dégel, décongélation. Disfondowes : d(i)lignèdje, dislignèdje. | dislén [f.n.] rilén. F. dégel. Disfondowes : d(u)lègn, d(u)lign, dislign, dislén. Coinrece Hôte-Årdene.

Entrées des brouillons: la famille.

Intrêyes so des mots k' on dit el famile.

matante [f.n.] 1. sour do pa u del mame. Ele breyeut sol fosse di s' fré et ele n' åreut nén yeu ndalé sins s' matante ki l' a prin pol mwin et l' moenner evoye (J. Porti). F. tante. >> matante di souke : matante k' a bråmint des cwårs, et k' on fwait åtou d' leye. >> si matante end åreut, ci sereut mononke : (måhonteus) dijhêye po onk ki fwait tot ene divize avou des si ; end åreut vout dire åreut des coyesmins avou des djins ki n' sont nén a l' après d"ene cråsse. Franwal: ahåyant po "Avec si on met Paris ene bouteille ". >> si matante åreut des rowes, ça freut ene bele tcherete: minme sinse (gn a pont d' avance di fé des supôzicions avou si). 2. viye comere. Dimorer matante (H. Forir). F. célibataire. 3. (ene miete fotant). feme pus viye ki vos, et k' on lyi doet l' respet. Avans dju ri, don, vormint, cwand vs avoz lomé l' beguene "matante" . 4. (foclore walon) no di sacwnatès femes (pus viyes) dins l' soce Rweyål Club walon d' Måmdey. Etimolodjeye : sustantivaedje do F. "ma tante" (po-z atôtchî si matante). | <!DF>matante-tåye [f.n.] sour di vosse tayon (grand-pa) u d' vosse tayondje (grand-mame). rl a: tåye, mononke-tåye. F. grand-tante.

ma rl a mi.

ma- [fåsse betchete] vént do sustantivaedje d' ene troke di deus mots dits e francès, tot s' adressant u tot djåzant d' ene kimere k' on li doet l' respet. masseur, macherseur, matante, madmwazele, madame.

mon- [fåsse betchete] ] vént do sustantivaedje d' ene troke di deus mots dits e francès, tot s' adressant u tot djåzant d' èn ome: a) k' on li doet l' respet. mononke, monpere, monfrere, monsigneur, moncuzén. rl a menir. b) k' on lyi vout fé ene luçon, pask' i vos a djouwé ene laide keure tot vs cåzant come a on parint. monparan, monami.

mononke [o.n.] fré do pa u del mame. On dit eto: onke, nonke. Disfondowes : mononke, mon.nonke, mounonke, monôke. Etimolodjeye : sustantivaedje do F. "mon oncle" (po-z atôtchî si nononke). | <!DF>mononke-tåye [o.n.] fré di vosse tayon (grand-pa) u vosse tayondje (grand-mame). rl a: tåye, matante-tåye. F. grand-oncle.

onke [o.n.] mononke.

nonke [o.n.] mononke. Etimolodjeye : sibetchtaedje di "mononke".

monami I. [o.n.] onk ki fwait di s' gueuye. F. prétentieux. On dit eto: monparan. >> on laid monami: onk k' on n' hante nén voltî. F. sinistre individu. >> fé do monami: voleur kimander. Ti n' vénrès nén fé do monami ciddé, saiss. On dit eto: fé do ronflant. Disfondowes : mon.nami, monami. II. [aduzoe] valet (sovint dins des fråzes di rprotche). Ça n' va nén come ça, la, monami. On dit eto: cofrere, monparan. III. Monami [n.dj.] no d' famile di Walonreye, e F. Monami. Etimolodjeye : sustantivaedje do F. "mon ami" (po fé l' djinti po-z atôtchî ene sakî, divant d' lyi dner l' axhlêye); rl a: amigo, amisse.

masseur [f.n.] 1. (poli) beguene. Les djins nos djhént "les masseurs", mins padrî nosse dos, i djhént tofer "les beguenes" (E. Gilliard). I t' aveut l' Mere Superieure, ki reguele li dos; li Pere ki vént dire messe el tchapele; ene banslêye di masseurs; et co l' Fré Marcel; djans, i n' manke k' el cuzén Bebert (J. Lahaye). On dit eto: machérseur. 2. (mot sorpoli) soû. Aloz dire bondjoû a vosse masseur. Etimolodjeye : sustantivaedje do F. "ma soeur" (po-z atôtchî si sour u ene beguene).

macherseur [f.n.] (mot sorpoli) beguene masseur (rilidjeuse). Les macherseurs nos apindént a texhî. Les macherseurs arivèt avou des grandès boesses di fleurs di papî ki les djonnès comeres acrotchèt ås beyôles (E. Benoit). Après, dj' a cnoxhou ene macherseur do costé d' Biarin, ki m' a moenné dins s' famile (G. Sfasie). On dit eto:. Disfondowes : machèrseur, machérseur, machêrsunr. Etimolodjeye : sustantivaedje do F. "ma chère soeur" (po-z atôtchî ene beguene).

<DF!>madame [f.n.] .... Etimolodjeye : sustantivaedje do F. "ma dame" (po-z atôtchî respectiveuzmint ene feme).

beguene [f.n.] djonne feye ki n' si mareye nén et moussî en on covint. Les djins nos djhént "les masseurs", mins padrî nosse dos, i djhént tofer "les beguenes" (E. Gilliard). Po les fosses des beguenes, i faleut aler deus metes et dmey fond dins tere, målureus (ramexhné pa J.J. Gaziaux).

monparan [o.n.] I. [aduzoe] valet (sovint dins des fråzes di rprotche). Ci n' est nén co la k' on racoye li pus d' çanses, saiss, monparan (J. Lahaye). On dit eto: cofrere. II. [o.n] monami.  >> fé do monparan: fé do monami (fé di s' gueuye, voleur esse mwaisse). On dit eto: fé do ronflant. Etimolodjeye : sustantivaedje do F. "mon parent" (po fé l' djinti po-z atôtchî ene sakî, divant d' lyi dner l' axhlêye); rl a: parint.

monpere [o.n.] 1. rilidjeu. 2. (sorpoli) pere. Dji n' sai si vosse monpere vos leyrè fé çoula. Etimolodjeye : sustantivaedje do F. "mon père" (po-z atôtchî si pa u on rlidjeu).

monfrere [o.n.] (sorpoli) frere. C' est ene sacwè ki dj' vôreu bén dner a vossse monfrere. Etimolodjeye : sustantivaedje do F. "mon frère" (po-z atôtchî s' fré).

moncuzén I. [o.n.] (sorpoli) cuzén. C' est co vosse moncuzén. II. Moncuzén [n.dj.] no d' famile di Walonreye, e F. Moncousin. Etimolodjeye : sustantivaedje do F. "mon cousin" (po-z atôtchî si cuzén).

monsigneur [o.n.] 1. mot po-z atôtchî èn eveke. On s' a metou a djower avou des tites : des "monsigneur", des "eccelance", des ptits mwaisses voci et des couroubetes vola (G. Schonbrodt). Li vraiy responsåve a stî sormoné, paternelmint, come di djusse, pa Monsigneur l' Eveke (J. Schoovaerts). 2. monsieu l' eveke (po djåzer d' èn eveke divant s' no d' famile). On djoû, ene boune åme, volant bén fé, leya-st etinde a Monsigneur ki må pô d' tins, i s' endè pasreut des beles avou l' djonne vicåre di Sint Djuråd (J.P. Dumont). 3. (sorpoli) eveke. >> Li monsigneur: pîce da Djan-Mareye Masset (1966).

nenene [f.n.] 1. marene. 2. grand-mame (mot d' plaijhant d' lomaedje et d' atôtchaedje). On dit eto: bouboune, memere, mami

måma [f.n.] grand-mame.

bouboune [f.n.] 1. soucreye po ls efants. On dit eto: kinike. 2. grand-mame (mot d' plaijhant d' lomaedje et d' atôtchaedje).

memere [f.n.] 1. grand-mame (mot d' plaijhant d' lomaedje et d' atôtchaedje). rl a: pepere. 2. viye feme.

pepere I. [o.n.] 1. grand-pa (mot d' plaijhant d' lomaedje et d' atôtchaedje). On dit eto: pépé. rl a: memere. F. grand-père. 2. vî ome. Sacré nodidjo, c' est seulmint ki dj' va tossî, grogne-t i on pepere di dpus d' cwarante ans (E. Wartique et E. Thirionet). F. vieillard. II. [no addjectivrece] vî. Les cofreres m' ont fwait acroere ki dji n' so nén trop pepere et ki dj' pou co mete å monde on grand diale di Walon (M. Renard). F. vieux, sénile. | pepermint [adv.] douçmint, sins s' fé del bîle, come on pepere al pinsion. To n' aveus k' fé di t' maryî; waite, mi, come dji vike pepermint, mi, droci (L. Mahin). F. tranquillement, sagement.

mami [f.n.] grand-mame (mot d' plaijhant d' lomaedje et d' atôtchaedje). Etimolodjeye : Calcaedje di l' inglès "mammy" (moman), pal voye do francès, 1990.

grand-mame [f.n.] mame del mame u do pa. On dit eto: grand-mere, tayone, bouboune, mami, memere, mémé, nenene, måma.

pere-tåye [o.n.] pa di vosse grand-pa u d' vosse grand-mame. Al moirt di m' pôve pere-tåye, dj' etin co çou k' i m' dijheut (P. Lagrange). On dit eto: pepere-tåye. rl a: grand-pere-tåye. F. bisaïeul, arrière-grand-père.

grand-pere-tåye [o.n.] grand-pa d' vosse grand-pa u d' vosse grand-mame. F. trisaïeul, arrière-arrière-grand-père.

pepere-tåye [o.n.] pere-tåye (mot d' plaijhant d' lomaedje et d' atôtchaedje). F. arrière-grand-père.

<!DF>tåye [o.n.] 1. grand-pa. Pô d' djins djhèt: dj' a cnoxhou mes deus tåyes (H. Forir). rl a: pere-tåye, grand-pere-tåye, pepere-tåye, mononke-tåye, matante-tåye. F. aïeul. 2. pus vî ome d' ene måjhon. Li tåye s' ecrameye Berlik berlok dins les firlotches di s' vicåreye (B. Louis). F. ancêtre. 3. tåyes (t.pl.) (pa stindaedje) djin d' vosse famile k' a viké la bén lonmint. Il ont rployî tchaeke a toû Leu gazete su leus djnos Et rpinde leu frake å båre, Les tåyes (E. Gilliard). Di ci åbe la, Les tåyes end ont djåzé come d' ene viye conoxhance Ki leus peres ont veyou k' i n' estént k' des efants (H. Simon). L' air shofele k' araedje so l' åbe des tåyes (J. Docquier). F. pères, ancêtres. >>tåyes et ratåyes; u: nos tåyes et nos ratåyes, tayons et ratayons: tos nos vîs parints. rl a: ratåye, tayon. F. ancêtres, ascendants. Disfondowes: tauye, tâye, taye. Etimolodjeye: latén "atavus" (minme sinse). | tayon, tayone, u tayonde, u tayondje [o.f .n.] 1. grand-pa, grand-mame. Il a co on tayon et ene tayone. Èm tayon esteut houyeu. C' est on pailon ki vént do tayon d' èm tayone. Avou les ptits dierins, dji so divnou tayon, Did lahôt, vos dvoz rire cwand dji m' brouye dins leus nos (J. Nihoul). F. aïeul, grand-père; aïeule, grand-mère. 2. ome (feme k' a viké la lontins, et ki vos dischindoz d' lu (leye). F. ascendant. 3. tayons (t.pl.) tåyes (vîs vîs parints ki sont moirts). C' esteut do tins d' nos tayons. Nos vîs tayons cåzént ddja insi. Djåzans walon, come nos tayons. Et nosse cour crexhe cwand c' est k' on tuze al glwere Di nos tayons ki n' avént måy pawou (T. Bovy). Do blanc pwin, les ptitès djins n' è voeyént k' ås grandès fiesses, et nos tayons fjhént dipus d' cas do pwin k' nozôtes (E. Gillain). Tonio, on lyi rindrè les teres ki ses tayons bezognént, tot metant a rasta les pousses di petrole et les côpes di bwès dins l' aforesse Amazonyinne (Y. Paquet). rl a: ratayon. F. aïeux, ancêtres, ascendant. >> El lingaedje di nos tayons et ratayons: li walon (u li lingaedje k' on cåzéve di tos dins dins on payis). Disfondowes: tayon, tâyon, tayan, tayo, tayin; tayone, tayonde, tayondje, tayène. Pc. tayon. | tayåd [f.n.] (v.m.) nateure (d' ene viye feme). F. vulve. Coinrece Vervî

A hintche: Li captinne Haddock divant l' poirtrait di s' tåye (dessinaedje da Hergé); a droete: coviete do live: "Li bea lingaedje di nos tayons", da Rodjî Tabareux.

cofrere I. [o.n.] 1. camaeråde ki vs riwaitîz come vosse fré. 2. (mot d' docteur, d' årtisse) fré d' mestî. II. [aduzoe] valet (sovint dins des fråzes di rprotche). Hê, cofrere, li pompe ki t' m' as vnou epronter ersè, ele si lome rapoite-mel, la. I n' ti fåt nén djinner, la, valet, cofrere ! rl a: copere, cossour. Disfondowes: confrére, confré, cofrére. Etimolodjeye: bodje frere, betchete co- nén spotchåve. | cofrereye [f.n.] 1. soce di djins ki s' riwaitèt come des frés. >> li grande cofrereye: les omes maryîs, eneviè les cis ki n' el sont nén co. Et l' bute do djeu (saetchaedje al coide), c' esteut ki l' pus vî des nén maryîs, k' esteut d' on costé, arive di l' ôte des costés del roye k' on-z aveut traecé, po rintrer dins l' cofrereye des omes maryîs (P. Dufaux). >> moussî (u: intrer, u: si mete) el (grande) cofrereye: si maryî. 2. grope di rlidjeus ki vikèt avou les minmes dujhances. On peye les åtés, les sints lieus, Et totes nos cofrereyes, Et putoit ki d' nos fé do bén, On-z evoye a Wîne tot l' butin (Tchanson namurwesse patriotike tote novele). L' islam a moussî o Senegal avou l' cofrereye des Tidjanes. F. ordre (religieux). 3. (foclore) soce di djins d' ene veye u d' on viyaedje ki rprezintèt leu payis avou on mousmint d' ceremoneye dins ene ôte veye, tot mostrant deus aboeres u amagnîs tipikes. Les deus plats tipikes del cofrereye des Baudets d' Bietris, c' est l' bire del Moreapire et l' påstea (Y. Gourdin). 4. etroclaedje di djins må veyous. La todi ene drole di cofrereye, la. Vos, les Kossovåds, vos djinnoz kécfeye dissu l' tere; vos n' vos taijhoz nén come onk k' est presse a moussî sins frapyî e l' cofrereye des cis k' on spotche (R. Viroux). Si l' umanité etire si pleut rtrover dins on viyaedje di cint djins, tot wårdant totes les proporcions inte les peupes, ça freut ene rude cofrereye ! (L. Baijot) >> Dji n' so nén di ç' cofrereye la: fråze k' on dit po n' nén aler avou des djins ki vlèt fé ene sacwè eshonne, u po n' nén accepter on martchî ki n' est nén trop catolike. Franwal: ahåyant po: Ce n'est pas mon genre; Je ne mange pas de ce pain la. Disfondowes: confrérîye, confrêrèye, cofrérèye.

Jeu de guilles et "guille de table".

Li djeu d' ribolete et d' beye.

ribolete u erbolete / rbolete [f.n.] sôre di ptit djeu d' beyes di tåve, mins k' on fwait spiter l' bole li long d' on batch sol costé, pus ki rdjibule so ene arondeye plantche et rivni djus et djonde les ptitès beyes did padrî, come å fliper. On dit eto: clitchete. >> no des gueyes del ribolete : prumire, les mîtrinnes, li dame, li gade. >> pîces del riboulete: li batch, le batchea, li plantche, li ptite plantche, li rsôrt, li cur.

Li djeu d' ribolete (poirtrait saetchî pa L. Mahin).

clitchete [f.n.] 1. pitite clitche. 2. ribolete (djeu).

dame [f.n.] 1. (cwårdjeu) imådje d' ene dame, li deujhinme u li troejhinme pus hôte cwåte. Li dame est scheute. >> aveur li dame wåde: aveur li dame et on schita, k' on pôrè taper si on tote on prumî côp. 2. al ribolete, et ås nouv beyes, li beye k' est tot å mitan.

gade [f.n.] 5. al ribolete no des deus ptitè beyes metowes ådfoû (sol costé del dame), el troejhinme rîlêye. 

prumî, prumire I. [addj.] 1. k' arive divant ls ôtes. 2. foirt bon (boune). C' est on prumî djouweu d' fotbal. II. [o.f.n.] 1. djin foirt capåbe. C' esteut des prumîs po fé des meurs di for. F. professionnel. 2. prumire. a) ås beyes: li beye metowe li pus près des djoweus. b) al ribolete, li li ptite beye k' el bole va rescontrer l' prumire, dj' ô bén, li cene metowe li pus lon erî. dvant. Disfondowes : prumî, prèmî, purmî, prëmî; prumîre, prumêre.

beye [f.n.] 1. bwès metou dizo les rays di tchmin d' fier. Les piyotcheus avént des harcots po råvler inte les beyes, et rsaetchî les balasses sol costé (H. Lepage). F. traverse. 2. pitit bwès, bwejhlé come ene botaye, k' on ndè stampe cénk u nouv, et sayî d' elzès stårer avou ene bole di bwès (li bole ås beyes). F. quille. >> ariver come on tchén e mitan d' on djeu d' beyes: ariver ene sadju la ki vos disrindjîz les djins. Franwal: ahåyant po: comme un cheveux dans la soupe. >> sacwants nos diné a des beyes: li prumire, li dame, li rwè, les gades, les tchapeas, li valet, les pates, li dierinne, li coine di drî. >> bole ås beyes  aveur des boles ås gueyes padzo les bresses: esse nawe. Franwal: ahåyant po: avoir un cheveux dans al main. >> I n' î cnoxhèt nén dpus k' a rfé des beyes: c' est des biesses (paski les beyes ni cassèt måy). >> Li Bon Diu° djowe ås beyes.

No des beyes å djeu d' nouv beyes (adjinçna da L. Mahin).

gueye [f.n.] beye (do djeu d' beye). Come ene echêpe åtoû del tiesse del båshele ki danse mierseule å mitan do djeu d' gueyes (E. Gilliard). F. quille.

<!DF>trawer (codjowaedje) [v.c.] 1. fé on trô dins (ene sacwè). rl a: kitrawer. 2. (pus stroetmint) å djeu d' beyes, passer avou l' bole a costé des gueyes, sins ndè pont stårer.

Mots étudiés quasi exhaustivement.

Mots (cåzu) spepyîs pår:

clon [o.n.t.pl.] 1. (mot d' acleveu) tot djåzant d' ene vatche, oxhea del hantche. On dit eto: clonzoxhea. F. ilium. >> aveur on clon djus: aveur on clon ki s' a displaké del schene. On dit eto: discloné. F. déhanché. >> les clons: tos les oxheas oxhea ki tént eshonne li shene eyet les pates do drîs. Ene boune biesse di botchreye doet esse lådje di clons (ramexhné pa G. Belleflamme). F. bassin. Parints: ecloneure, discloner. Disfondowes : clons, clans, clôs. Etimolodjeye : bodje gayel "clon" (fesse, cawî).

clonzoxhea [o.n.] (mot d' acleveu) clon. rl a: cronzoxhea. F. os iliaque. Etimolodjeye : aplacaedje tîxhon no pluriyal (clons) + no (oxheas), oxhea des clons. Sorcoinrece Faimonveye et l' Gléjhe.

ecloneure [f.n.] (mot d' acleveu) lårdjeur des clons: 1. veyowe d' ådfoû, po djudjî li valeur di botchreye. F. bassin, croupe. 2. veyowe d' ådvins, po leyî passer l' vea. Si ç' vatche la n' tape nén s' vea tote seule, avou ene sifwaite ecloneure, n a måy pus nole ôte ki velrè, savoz, Meleye (J. Lahaye). F. bassin, passage pelvien.

discloner si discloner [v.pr.] (mot d' acleveu) aveur on clon djus. F. se déhancher, se déboîter, se disloquer. | discloné -êye [addj.] k' on on clon djus. On dit eto: dispotlé. F. déhanché, disloqué. Disfondowes : duscloné, discloné, êye. | disclonaedje [o.n.] no d' fijhaedje et no di çou k' est fwait (accion eyet si adierça) pol viebe "si discloner". F. dislocation, déboîtement. Disfondowes : dusclonèdje, disclonèdje. .

Les choses du milieu.

emé, emîtrin, mîtrin.

mîtrin, inne I. [addj.] 1. metou (owe) å mitan. rl a: emé, emîtrin, Mîtrinne Mer. F. central. >> mîtrin walon: walon djåzé dins l' payis d' Nameur. F. wallon central. >> mîtrinne veye: coulot metou e fén mitan d' ene veye. F. centre ville. 2. mîtrinne å djeu d' nouv beyes, u al ribolete, no des beyes metowes pa deus. >> mîtrinnes di dvant: les deus beyes metowe al deujhinme rîlêye, padvant. >> mîtrinnes di drî: les deus beyes metowe al cwatrime rîlêye, djusse divant l' dierinne. Etimolodjeye : bodje "mé" (dimey), cawete -rin, ristitchî T pa assaetchance di "divantrin". Coinrece payis d' Bastogne. | mitrinner [v.c.] (mot d' tapeu so éndjole) mete on tecse å mitan del pådje. Mîtrinner ene imådje (u do scrijhadje), c' est l' mete e mitan del pådje, et nén astok a hintche u a droete. Etimolodjeye : viebe fwait so l' addjectif "mîtrinne", 1995. <!li reployî dins les modêyes di Linusse, ubén li taper evoye; gn a-t i èn ôte mot ? si c' est "cintrer", ça n' va nén, ca ça vout dire ôte tchoi.>

A hintche: les mîtrinnes å djeu d' nouv beyes (dessinaedje da B. Vermeersch, divins: Dictionnaire des parlers wallons du pays de Bastogne, dizo "guîe", ritchabåré); a droete: les minmes mîtrinnes al ribolete (poirtrait saetchî pa L. Mahin).

Mîtrinne mer [n.pl.] Mer metowe å mitan des teres, inte l' Urope, l' Afrike et l' Azeye. Vola èn ome ki nos vént did houte del Mîtrinne Mer po nos fé on mostraedje so l' ovraedje des éndjoles e walon (J. Docquier). F. Méditerranée. Etimolodjeye : Calcaedje del tcherpinte latene "Mare media" (Mer do Mitan), 1995. Dipus d' racsegnes (e walon) sol Mîtrinne Mer.

emé [divancete] 1. didins, divins. Foirt suteymint, li manifesse aveut metou emé les Walons tos les cis ki boutèt et k' avént bouté el Walonreye (G. Denis). Dj' esteu en on cinema, el sipexheur, emé des djins k' dji n' kinoxheut nén (J.M. Masset). F. parmi. 2. e plin mitan di. I s' batnut emé l' rowe. Cwand on tchait emé les schaesseus, i fåt waitî di n' nén atraper èn ôte sol capotene. Çoula clapéve come ene mwin al djaive emé l' vizaedje (J.M. Masset). Les årdjintenes, Ripordjetêyes di pieles, emé leus djondès foyes, Tchantént on grand magnificåte (A. Lovegnée). Pierdou emé ses tuzaedjes, Batisse fouri sbaré cwand ki l' telefone xhilta (L. Mahin). Et portant, la, pierdowe, florixhant emé ci dezert cial, emé l' ivier, mågré l' djalêye, une pitite coxhete di brouwire (Fré Lucas / A. Nicolet). F. au beau milieu de. >> emé djeu: å mitan do djeu, sins k' on vs preye. >> emé voye: djusse å mitan inte deus plaeces. F. à mi-chemin. 3. (tot cåzant d' on moumint) al mitan di. Oyi, mins, i m' faleut fé m' båbe tos les djoûs, et laver mes pîs emé samwinne (J. Lahaye). Disbåtchî, disseulé, Marco Pantani a stî rtrové moirt en ene tchambe d' oté, emé fevrî 2004 (L. Mahin). F. en milieu de. >> emé cwareme: al mitan do cwareme. F. mi-carème. Parints: emîtrin. Disfondowes : èmé, emèy, ami. | emîtrin, inne [o.f.n. & addj.] 1. li ci (cene) k' est å mitan. C' est on rotaedje wice ki les pus coraedjeus fjhèt 20 km, les emîtrins dijh, djusse po-z etertini l' coir, et les pormoenneus, cénk. rl a: mîtrin. 2. (pus stroetmint, po ls acleveus) coshet dedja spani, min nén co bon po touwer (30, 40 kilos). rl a: nourin, cråxhoe. 3. mitan mitan. C' est on ome qui n' est ni gros ni grêy, il est emîtrin. des emétrinnès crompires. F. moyen. 4. nén foirt bon (boune). djonne vatche repleneye trop djonne. Passer s' tins avou des emiytrinnes, c' est po piede si cou a mietes (J. Lahaye). F. médiocre. Disfondowes : èmétrin, , èmètrin, èmîtrin, èmîtrin.ne, amîtrin. Etimolodjeye : bodje "emé", cawete -rin, ristitchî T pa assaetchance di "divantrin". | emétrinnmint [adv.] mitan mitan, nén trop bén. F. médiocrement, passablement, moyennement. Disfondowes : èmétrin.n'mint, èmétrén'mint

ami 1 rl a: amisse

ami 2 rl a: emé.

mitan 1 [o.n.] çou k' est metou djusse al minme distance di deus sacwès, u al minme distance des boirds. Å mitan do terén; rl a: miermitan. F. milieu, centre. Disfondowes : mitan, miton, mëtan, vî scrijha: mitant

mitan 2 [f.n.] 1. tot djåzant d' ene termene di tins, moumint ki çou k' est ddja passé est l' minme ki çou ki dmeure. Al mitan do moes. F. moitié. 2. pårt cwand on côpe ene sacwè e deus. Il a magnî ene grosse mitan del dorêye. F. moitié. 3. (pus stroetmint, e fotbal) a) tchaeke des 45 munutes d' on match. Li prumire mitan, li deujhinme mitan. b) li cwårt d' eure k' on s' rapoize après troes cwårt d' eure di djeu, divant d' rataker. On dit eto: tîme. F. mi-temps.

miermitan [o.n.] çou k' est djusse å mitan. >> å miermitan d' luminme: dins luminme. Franwal: ahåyant po: "dans son fors intérieur".

Le sarrasin, en culture ou en crêpe.

boûkete

boûkete [f.n.] 1. dinrêye foirt adurante, e sincieus latén Fagopyrum esculentum, del famile des Poligonacêyes (plantes avou des foyes come les rampioûles, et des ptitès blankès rôzlantès fleurs), ki dene ene farene boune po sacwantès mitchotreyes. I n' fåt nén k' aloume å moes d' awousse ca c' est adon k' el boûkete florixh, et adon, ele ni dinreut rén (ramexhné pa J. Bastin). On seme todi moens di boûkete so l' Årdene. On a 420 sôres d' ahesses po les boledjîs, inte di zeles, del farene di boûkete. rl a: såvadje bôukète. F. sarrasin, blé noir, blé de Turquie. Ingl. buckwheat, Ny beukweit, almand buckweizen. 2. li farene di ç' grin la. Al Tossint, on fjheut des restons avou del boûkete. F. farine de sarrasin. 3. galet fwaits avou ç' farene la, copurade å Noyé, tot metant avou des corintenes et des tchitches, et les cure al paile å boure u a l' ôle. On lzès magne tchôdes, avou do souke dissu, u froedes, avou del sirôpe. C' esteut l' nute do Noyé; li mame fijheut des boûketes (G. Ista). Gn aveut ene banslêye di boûketes ki nos ratindeut, k' on schafyive, totes dåborêyes di souke di pot (C. Wilmotte). On dit eto: berdele; rl a: vôte, coukebake. F. crêpe, galette de sarrasin. >> bate lès boûketes: fé l' påsse. F. fouetter. >> Cwand k' on magne les boûketes a l' ouxh, on magne les cocognes el coulêye°. >> on tchapea (plat) come one boûkete: k' a stî spotchî. >> Dji vs el ritoûne come ene boûkete: dijhêye dins ene lûte (come li catch), po s' fote di l' ôte batant. >> fé dès boûketes: rivômi. On dit eto: rinårder, rimzurer. F. vomir. Disfondowes : boûkète, bôkète, boukète, bûkete. Etimolodjeye : flamins "beukweit" (minme sinse). Dipus d' racsegnes sol boûkete.

Les fleurs, les foyes et les grinnes di boûkete.

boukete rl a: boûkete; rl a: bokete.

berdele [f.n.] boûkete. Coinrece Simwès.

<!DF> berdeler I. [v.s.c.] 1. cåzer bråmint, et po n' nén dire grand tchoi. Pus k' on påle, pus k' on-z a soe ! Et come i berdelèt bråmint, c' est åjhey a coprinde ki les tournêyes ès shuvèt ! (J. Goffard). Les poyes, ki grevissént dins les broûs do fossé, dimornut ene munute a djoke, pu ele si metèt a berdeler come des canletes e sôrtant d' messe (W. Bal). On dit eto: djåspiner, ramter, tchafyî, ramaedjî, djaivler, plaider, copiner, ragadler, ravåder, canler, bawyî, pirlodjî. F. bavarder, papoter, rabâcher. 2. cåzer tot fjhant des rprotches. I criyive, i djuréve, i berdeléve dissu tot çk' ele fijheut (J. Spinosa). F. rouspéter, chicaner. II. [v.c.] 1. fé des rprotches a. Dji vos vou berdeler et n' nén vos aschoûter (J. Beaucarne). 2. repeter (des paroles k' on n' coprind nén) Li pere Abbas arivéve did l' ôte des costés, etot berdelant si litaneye. " Måle wêre !, måsseye aiwe !, troyreye di bôjhe !, pouri tins d' gurnouyes ! "(L. Mahin). F. rabâcher. 3. dire (des paroles k' on n' coprind k' a mitan). Dj' a vnou avou l' pus djonne di mes gaméns po vey s' i gn åreut nén pa des côps èn ôte pitit Walon k' on pôreut berdeler sacwants mots avou lu e nosse lingaedje (L. Mahin). On dit eto: tchamårder. F. baragouiner. Etimolodjeye: bodje latén "brittus" (Burton), "burtoner", cåzer on lingaedje k' on n' coprind nén. | berdeleu, berdeleuse u berdelresse [o.f.n.] onk, ene ki berdele. On dit eto: berdelåd, berdele, tchafete, canlete, raguete, tchafiåd, pirlodjeu, ragadleu, tarame, Mareye-tarame, trop-di-linwe. F. bavard(e), rabâcheur (euse). | berdelaedje [o.n.] accion d' berdeler, si rzultat. On dit eto: djaivlaedje, ragadlaedje, ramtaedje.| berdelåd, e [o.f.n. & addj.] berdeleu(se). Avou s' grandeur, ès rondeur di vinte ey ès grande babeye di mwaisse berdelåd, i t' ireus vinde do såvlon å mitan do Sayel (J. Schoovaerts). Cote po cote, ptete bén ki dj' åreu dvou prinde li cene di l' ôte sôre di berdelåd: advocåt (J. Schoovaerts). On dit eto: tchafiåd, ragadlåd, ramadjåd. F. bavard(e), prolixe, volubile. | berdelreye [f.n.] concert di berdelaedjes, k' on n' s' ôt pus. rl a: tchafireye, bawireye. | berdele 1 [f.n.] 1. berdeleu(se). Ké berdele ki c' est, ç' grand-mé la ! (F. Deprêtre et N. Nopère). F. bavarde. 2. riprotche k' on vs fwait. Totaleure, vos åroz co des berdeles di vosse pere ! (J. Coppens). F. réprimande. Disfondowes : berdèle. Coinreces Coûtchant walon, payis d' Dinant et Basse-Årdene.

berdele 2 [f.n.] boûkete (vôte avou del farene d' avoenne et d' boûkete). Elle aveut fwait des berdeles pol djoû des åmes: c' esteut ene glotinreye po les vîs Årdinwès did dinltins (G. Lucy). F. crêpe de sarrasin. Disfondowes : berdèle; Tch. berdelle. Coinrece payis di Smwès.

bokete [f.n.] 1. ma (grosse tchike di vere u d' pire). F. grosse bille. 2. boketes (t.pl.) pitits oxheas ki les efants djowént avou. Ç' a stî k' les ptitès feyes djouwént ås boketes. On dit eto: betchs. F. osselets. Disfondowes : boukète(s).

såvadje boûkete [f.n.] sôre di rampioûle, 15 cm a on mete longue, avou des vetès fleurs et grinnes come les cenes del boûkete, e sincieus latén, Polygonum convolvulus. F. faux-liseron. Disfondowes : boukète sauvâdje, sauvadje boûkète.

yebe di pourcea [f.n.] traitisse.

(Daegntoele)

traitisse u franc traitisse di pourcea [f.n.] plante des trîxhes et des tidjes, ki florixh do moes d' djun å moes d' octôbe des ptitès rôzès fleurs, e sincieus latén, Polygonum aviculare. On dit eto: yebe di pourcea.

(Daegntoele)

så [f.n.] åbe ki crexhe dins des frexhès plaeces, e sincieus latén Salix salix. rl a Delså. F. saule. Etimolodjeye : latén "salix" (minme sinse). | såci [o.n.] bwès d' sås. Ene viye cambuze k' est efagnêye divins les frexhåds, å coron do såci; dji n' vôreu nén viker la, saiss, mi (J. Lahaye). F. saulaie, saussaie. >> E Såci: no d' ene plaece di Lidje, e F. en Saucy. | såçoe [o.n.] bwès d' sås. F. saulaie, saussaie. >> li Såçoe (so plaece: å Såceu): no d' ene plaece di Vilé-Sint-Simeyon. | såcete [f.n.] pitit bwès d' sås. F. saulaie. >> li pazea del Såcete: no d' ene plaece di Transene. | såçale [f.n.] 1. pitit bwès d' sås. F. saulaie. >> li Såçale: no d' ene plaece di n.pl. di Têgneye. 2. plante ki vént dins l' aiwe, avou des flotantès foyes, et ene påte di rôzès fleurs, ki florixh e l' esté, e sincieus latén Polygonum amphibium; gn a ene sorsôre del minme plante crexhe sol setch, foirdivant dins les tchamps d' crompires. Disfondowes : sauçale, sançale. | såçoere [f.n.] bwès d' sås. rl a Såcere F. saulaie, saussaie. Disfondowes : saucère, sauceure. | såcilike [addj.] seur såcilike. no sincieus di l' aspirene, saetcheye del schoice di så. rl a: aspirene. Etimolodjeye : Calcaedje riwalonijhî do F. salycilique (minme sinse), 2004.

såçale (håcné sol Daegntoele) <! a assonrer avou les ôtes poirtraits)>

såci, såcilike rl a: så.

såçoe, såçoere rl a: så.

såcete rl a: så.

såçale rl a: så.

såssale rl a: så \ såçale.

aspirene [f.n.] drouke ki médeye les mås d' tiesse, les matchureas, evnd, ki l' ovrant prodût est l' seur såcilike. Ele vora eviè l' dreslete ås droukes et-z egoler onk après l' ôte troes catchets d' aspirene (L. Mahin). F. aspirine. Etimolodjeye : no d' måke divnou ptit no, 1920.

Suite de l'étude des dérivés de "double".

Co des parints di "dobler".

radobe [o.n.] cwate côp ostant. Li dobe èt l' radobe. F. quadruple.

disdobler [v.c.] 1. mete ene deujhinme sacwè (trin, sicole) la k' end aveut k' ene. F. dédoubler. 2. mete ene dobleure a on mousmint. Disfondowes : d(i)dobler; d(u)dobler, disdoublè, dèsdoubler, dusdoubler, dusdoblè, disdobler. | disdoblaedje [o.n.] no d' fijhaedje et no di çou k' est fwait (accion eyet si adierça) pol viebe "disdobler". Li disdoblaedje d' on veston. F. dédoublage, dédoublement. Disfondowes : d(u)doblèdje, dusdobladje, dèsdoublâdje, disdoblèdje. | disdobmint u disdobelmint [o.n.] disdoblaedje. Po les fiesses, on-z anonce li disdobmint des trins eviè Nameur. F. dédoublement. Disfondowes : dèsdoublèmint, disdobmint [disdopmin], disdobelmint, disdoblumint.

dobleure 1 [f.n.] (mot d' costire) pus fene toele cozowe ådvins d' on spès mousmint. Fåreut rakeude li dobleure di m' cazake. F. doublure. >> esse trop fén po l' dobleure: dijhêye po onk (ene) k' est malén come on séndje, k' on n' såreut djonde. F. matois. >> fén conte fén, i gn a pont d' dobleure; u: i n' fåt pont d' dobleure; u: fén conte fén fwait mwaijhe dobleure: po onk ki s' croet malén, et vs voleur djonde, po lyi dire ki vs estoz ossu malén k' lu. Franwal: ahåyant po: "à malin, malin et demi". >> Ça n' mindje nén l' dobleure di vosse tchimijhe: ça n' vos rgåre nén. Disfondowes: dobleure, doblore, doblare, doblâre, doblûre, doublûre, doublure.

DF dobleure 2 [f.n.] 1. volêye di côps (po coridjî èn efant, dins ene apougnåde, evnd.). I s' a vlou bate, mins i nd a yeu ene, di dobleure. rl a: doblêye, rigodinne, diguedinne, deguzene, ratournêye, plouzêye, danse, frotêye, dispoûslêye, sipoûslêye, ramoujhnêye, douye, dôpinne, coreccion, tatouye, taene, taenaesse, doguete, tijhnêye, trimpe, volêye, disdjalêye, axhlêye. rl a: ridobler. F. raclée, tripotée, rossée, trempe. >> fote; u: ramasser ene dobleure: bate comifåt. Il a fotou ene dobleure å råpén, et k' i n' è pleut rén. F. rouer de coups. >>atraper, u: aveur, u: riçure ene dobleure: esse batou >> ene dobleure di Diè l' pere: ene foite dobleure. Franwal: ahåyant po: "raclée mémorable". 2. pierdaedje sins rispiter a on djeu, ene lûte, ene bate, ene guere, on match. Il a atrapé ene dobleure ås cwåtes. Après l' dobleure ki les Prûsyins ont yeu e 1918, Måmdey a polou ridivni bedje (W. Seffer). Ça fwait k' c' est ene victwere po les Spådwès et ene dobleure pol Prince-Eveke (Afwaire des djeus di Spå). F. défaite, échec cuisant, déconfiture.

Mots demandés par les utilisateurs.

Mot dmandés des uzeus.

payizan, -ante [o.n.] 1. djin ki dmeure dins on viyaedje. Dj' a sopé avou des sovrins, souwé avou des payizans, tapé des copenes avou des tuzeus (L. Hendschel). Li waeyén-tins, ene des pus plaijhantès såjhons po les payizans d' l' Årdene (S. Fontinne). On curé d' viyaedje a pretchî Bén longmint a grand-messe;
Les payizans n' ont fwait k' båyî (C.F. Simonon). A ç' moumint la, les signeurs estént co mwaisses do peupe, et les payizans estént tertos des sieves (G. Lucy). F. paysan, villageois. 2. (po rabaxhî) djin nén foirt sûteye, ene miete erîrêye. Mins les monsieus d' Brussele, saiss, k' est çki ça lzî pout fé, sacwants payizans ki n' sont nén contins (A. Henin). F. paysan, rustaud. 3. traitaedje d' ene djin d' veye, ou d' on gros bork a ene d' on viyaedje. >> payizan ! payacou, (...) to voerès m' cou !: traitaedje des efants d' Sint-Houbert ås efants des viyaedjes. >> payizan d' maleur, cware et cwate t' es-st on voleur: traitaedje des djins del Rotche ås djins d' viyaedje. Disfondowes: payizan, ante, payîzan, ante, ane, payizan, ane, pèyizan, ane, pèyiîzan, ane, payîzin, -inne, -ène miersipepieuzmint el notûle ALW 9.15. 

payizaedje [o.n.] çou k' on voet cwand o rwaite åtoû d' lu dins ene campagne, ene montinne. Portant, el payizaedje est clapanmint bea; les montinnes catièt l' cir, si hôtes, si grandes; di l' ôte costé, el lak Titicaca, el pus hôt do monde (D. Heymans).

Mots récememnt normalisés.

Mots rfondous lanawaire.

soumey [o.n.] termene k' on doime. F. sommeil. >> aveur soumey: esse presse a s' essocter. Disfondowes : somey, soumey. | soumyî [v.s.c.] doirmi. El gris marou soumeye, didins l' foncea do schô (W. Bal). | soumter [v.s.c.] soumyî. L' ome bén metou soumtêye, todi pus racrapoté (J. Lahaye).

somey rl a: soumey.

Villages et personnalités (littéraires et non littéraires) wallonnes.

Des viyaedjes et des djins.

Bonoru so plaece: Bon'ru [n.pl.] 1. hamtea d' Moirci, e F. Bonnerue. Istwere: foirt distrût al guere 1940-1945. Bonru esteut tot dmezegnî; Les obus avént tot distrût (P. Fourny). 2. hamtea d' Mabompré. Avey: eglijhe avou s' clotchî e bole.Disfondowes : Bon'ru, Bonoru, Vîs scrijhas: Bonot rivum (841). Etimolodjeye : aplacaedje tîxhon pitit no "Bono" (pitit no, racourtixha di "Bonwald") + no (ru), li Ru Bonwald.

L' eglijhe di Bonoru, avou s' clotchî come end a pont d' ôte

Boneru rl a: Bonoru.

Brussele-e-Wisconsin [n.pl.] viyaedje do Wisconsin (Estats-Unis), en inglès Brussels, askepyî pa des abagants walons diviè 1880. Dispus d' racsegnes so les Walons do Wisconsin.

Brussele [n.pl.] mwaisse-veye del Beldjike, e F. Bruxelles, e flamind Brussel.

Spontin rl a: Sipontin.

Sipontin u Espontin / (å pus sovint) Spontin [n.pl.] ancyin ptit ban del Walonreye, e F. Spontin, rebané avou 5530 Yvoir; limero diyalectolodjike: [D 12]; vî limero del posse: 5311. .>> Hamteas di Spontin: Longue Yebe, Sarazinne (so plaece: Salazène, e F. Sarazinne) Istwere: a yeu a vey avou l' Guere del Vatche (1275-1278). Ricweraedjes sol walon: Germain, Jean, "Les carrières à Spontin", 1974. Vîs scrijhas: Spontin (1130). Etimolodjeye : bodje "pont", cawete -in , betchete s(i)- 2 di bén-djhance.| Spontinwès u Spontinwès / (å pus sovint) Spontinwès, esse [n.dj.] onk (ene) di Spontin. Les Spontinwès estént serés, savoz (A. Marchal)

Magritte René (1898-1967). Pondeu walon, sikepyî a Lsene, et k' a fwait ses scoles a Tcheslet. C' est onk des grands mwaisses do sorreyalisse. Ses ouves sont bråmint wårdêye el Muzêye d' årt modiene di Brussele et al Fondåcion Menil a Houston. On papî so René Magrite.

  Scwants tåvleas da Magrite (Daegntoele).

Magrite [n.dj.] 1. pitit no di cmere, e F. Margueritte. >> Li Rotche Magrite Zabele. no d' ene plaece di Transene. 2. no d' famile di Walonreye, e F. Magritte, Magrit, Magriet. Disfondowes: Magrite, Magrete, Margarite, Marguèrite, Mârgurite; vîs scrijhas: Magrite (1302), Magrete (1418).

Roclindje [n.pl.] 1. Roclindje-so-Djer. ancyin ptit ban d' Walonreye (mins raloyî disk' e 1963 al Province do Limbork), e F. Roclenge-sur-Geer, e flamind Rukkelingen aan de Jeker, rebané avou 4690 Bassindje; limero diyalectolodjike: [L 3]; vî limero del posse: 4490. Il î dmoréve 1053 djins e 1930. Istwere: C' esteut on dominne do tchaptrê Sint-Djhan l' Evandjilî, di Lidje. E 1795, i va passer dins l' depårtumint del Basse-Mouze, e 1815, al province do Limbork, divant d' esse rimetou avou Lidje e 1963. Sicrijheu d' walon: Henry Frenay. Disfondowes : Roclindje(-so-Djêr), Roclindje-sol-Djêr. 2. Roclindje-Lô. ancyin ptit ban d' Flande, astok do Payis Walon, e flamind Rukkelingen-Loon. Vîs scrijhas: Rochelenges (1126), Rocelinges (1147). Etimolodjeye : bodje "Hrukilo" (no d' djin), cawete -indje (les cis Hrukilo, les cis d' mon Hrukilo, li famile Hrukilo).

Grand-Lô [n.pl.] ancyin ptit ban d' Flande, astok do Payis Walon, e flamind , e F. Grand-Looz. rl a: Lô. Disfondowes: Grond Lô.

Sacwants mots fwaits al varade.

Entrées rapides.

eclôse [f.n.] covint di moennes u d' beguenes, ki nouk n' î pout moussî. Li diale vleut språtchî l' eglije et ls eclôsses di Stâvleu (J. Brumioul). F. cloître.

mwaisse I. [o.n.] 1. onk ki cmande azès ôtes. C' esteut on bråve ome, nosse mwaisse mins padecô, on n' saveut pus taper filet avou lu, télmint k' il divneut rovyisse (J.L. Fauconnier). F. maître. >> ovrer a mwaisse : ovrer po on patron. >> ti vas vey ti mwaisse: dijheye tot cminçant on målåjhey ovraedje, tot apougnant ene plantiveuse eurêye. A ç mariaedje la, gn aveut ene tchôdire di boli, k' on a co måy veyou s' mwaisse. >> c' est å troejinme côp k' on voet les mwaisses : dijhêye po ene sakî k' adierceye si côp al troejinme saye, dabôrd k' il a fwait berwete al prumire eyet l' deujinme. II. [addj.] prumî , ire. F. principal. >> mwaisse fråzlete°. Disfondowes : mêsse, mésse, minse, mwêsse, mwésse. Pc: méte, Gm mâte, mâsse, méte. miersipepieuzmint el mape ey el notûle ALW 1.51. Etimolodjeye : latén "magistru" (minme sinse).

mwaisse-triyonfe [f.n.] (cwårdjeu) li pus hôte cwåte a on moumint dné dins on djeu. F. maître atout.

mwaisse-ovrî [o.n.] ovrî ki cmande les ôtes. F. contremaître. rl a: mwaisse piyotcheu°

piyotche [f.n.] 1. usteye des ovrîs terassîs, po foyî e tere, fwait d' èn arondi fier betchou pa dvant et padrî, metou so on mantche. 2. lomaedje do chife 7 al kine. >> les deus piyotches: li 77. Disfondowes : piyoche, piyotche. | piyotcheu [o.n.] 1. ovrî ki boute al piyotche. 2. (pus stroetmint) ovrî di tchmin d' fier ki mete les beyes. >> mwaisse piyotcheu: mwaisse-ovrî d' ene trope di piyotcheus. Li mwaisse piyotcheu riwaitive si les beyes estént di scwere, di livea avou l' voye.

axhele [f.n.] plaece do coir metowe ådzo des bresses. F. aisselle. Etimolodjeye : latén axilla (minme sinse); | axhlêye [f.n.] 1. tchedje poirtêye dizo l' bresse. Elle a rarivé do djårdén avou deus axhlêyes di raecenes. r a: schônêye, schorsêye. F. brassée. 2. (pa stindaedje) tchedje (poirtêye d' ene ôte manire, u tcherieye). I rivnént avou ene axhlêye di bwès sol begnon. F. charge. 3. dobleure k' on dene ås efant, tot les prindant dzo s' bresse, et lzî fotant so leus brodî. F. raclée, correction. 4. gueuyaedje d' on dzeutrin, ki vos lyi avoz djowé on toû, paski voz avoz fwait ene biestreye, evnd. Dj' avéns clawé si djate di blanc fier apès l' tåve; nos esténs la stampés et ratinde l' axhlêye (H. Matterne). Nozôtes, les djonneas, nos nos racrapotént po n' nén rire a l' axhlêye ki mononke Miyin vneut d' djower a nosse pas (P. Maudoux). F. engueulade, réprimande. Etimolodjeye : bodje "axhele", cawete di valixhance -êye (çou k' gn a dins l' axhele). | axhletes [f.n.t.pl.] plantches metowes so des montants, po roister des sacwès al varade, u po mete des lives. Les lives, so l' axhlete, si drovèt et foû des imådjes avolèt d' Artagnan, Robin des bwès, Zoro et Tarzan (L. Bukens). | axhelrece 1. [addj.] medyince) (w. d. d) metou a l' achele. les glandes achelrece; les voennes achelreces. c' est l' artere achelrece k' est tingleye si vos doirmoz so vosse bresse, et vos vs rawagoz avou l' bresse ki doime 2. [f.n.] glandes des acheles dinl' maladeyes des gretes di tchet gn a les achelreces ki sont gonflêyes: c' est l' prumî sene.

Des axhletes rioistêye-tot (poirtrait saetchî pa L. Mahin).

axhler [v.s.c.] prinde dizo l' bresse. Il a axhlé dins l' tassea d' djåbes et-z è prinde troes po sognî ses tchvås. | axhlêye 2 [f.n.] poirtêye (djonnes di euchets, evend ki rexhet d' on côp). Nosse troye a fwait traze djonnes: kéne axhlêye. rl a: raxhlêye. Etimolodjeye : pårticipe erirece prind come no. | axhlåve I. [addj.] ki pout esse poirté dizo s' bresse. C' est des trop gros balots; n' sont pu axhlåves. rl: poirtåve. Etimolodjeye : viebe "axhler", cawete -åve. II. [o.n.] 1. copiutrece k' on pout prinde avou lu. 2. telefone sins fi. rl a: mobilofone, djeyessem, G.S.M. poirtåve. F. portable.

raxhlêye [f.n.] binde di djins u d' biesses. F. bande. Etimolodjeye : sustantif "axhlêye (2)"; avou l' betchete r(i)-.Coinrece Payis d' Måmdey.

poirtåve [addj. & o.n.] axhlåve (telefone u copiutrece). Etimolodjeye: Calcaedje riwalonijhî do F. "portable", 1997. 

xhaxhler [v.s.c.] rire a grand goyî. F. éclater de rire. Disfondowes : hah'ler, chachler. | xhaxhlaedje [o.n.] franc riyaedje | xhaxhlåde [f.n.] franc riyaedje. Ene crapåde tape ene xhaxhlåde Et rlouke sor twè sins t' loukî (L. Warnant). Et c' est des tchawaedjes et des xhaxhlådes a ndè pus fini (M. Chinon). F. éclat de rire. | xhaxhlåjhe [f.n.] moumint ki tertos xhaxhele.

DFvîtlote [f.n.] (v.m.) sôre di longowe rodje crompire. F. vitelotte. Etimolodjeye: bodje "vît-" (vé), raptitixhante cawete -lote; rl a vitolet. | vîtlot [o.n.] ahesse secswele ki replaece li vé po ene feme aveur si plaijhi sins ome. F. godemicher Ingl. dildo. Etimolodjeye: bodje bodje "vît-" (vé), raptitixhante cawete -lot;.

DFvîtolet [o.n.] hatchêye tchå, mitan pourcea, mitan boû, prezintêye aprume e cigåre (dabôrd, ki rshonne on ptit vé), pus come bolete. On hamburguer, ci n' est måy k' on vîtolet, stitchî dins on pistolet (A. Gauditiaubois). Si l' plouve sereut des gurzeas, dji sereu hatchî e vîtolets (R. Mathieu). >> on payis k' les vitolet crexhnut so les håyes: on payis k' on vante sins rastina. rl a: Halbuskeute. F. pays de cocagne. Disfondowes: vitolet, vitoulet. Etimolodjeye: bodje "vét", raptitixhante cawete -let, avou assaetchance di "vitlote". Coinrece Nameur, Châlerwè.

refûler [v.c.] ravôtyî comifåt avou ene loke, on mousmint. Po ls edjaleures, fåt rafuler ses pîs avou des foyes di tchinne. F. emmitoufler.

pixholete [f.n.] pitite copixhe. >> ni d' pixholete: copixhreye. Po ls edjaleures, prinde des bagnes dins d' l' aiwe k' a cût avou on ni d' pixholetes.

rafûler rl a: refûler.

treboukî si treboukî [v.pr.] Disfondowes : s' ètrèbukî, s' asturbutchî, si trèbouhî.

cotchter [v.s.c.] aler ramasser les cotchteas so les terisses. Mi grand-mame aléve cotchter deus saeyeas d' hoye sol terisse, onk po vinde et l' ôte po s' tchåfer (G. Heusdain). Aprume rintré di scole, i m' fåt loukî ås efants, aler a l' aiwe, monter å terisse po cotchter, cori ås comissions, evnd (L.J. Alexis).  | cotchtea [o.n.] restant d' tcherbon k' i gn a so les terisses. On s' trovéve télfeye leu dijh doze a s' kibate po haper les pus gros cotchteas (L. J. Alexis). rl a: crahea.

racoxhter [v.c.] 1. rifé on trô (dins ene håye) avou des coxhes. 2. (imådjreçmint) rassercî. Dj' a racoxhté ses tchåsses, i les metrè co deus côps et pus on les fotrè ås lokes.

enustiyî s' enustiyî [v.c.] atchter des usteyes assez. Po vs bén enustiyî, cwatru-vint patacons sufirént i ? (dins "Simon li Scrinî"). On dit eto: s' ahessî. F. s'équipper. Disfondowes : a.ustiyî, a.ustcher, ustché, ustchî, ènostiyî, ènustiyî. Etimolodjeye : bodje "usteye", cawete e- (s'ahessî avou). | enustiyî, eye [addj.] k' a des usteyes po fé. I s' a vnou anoncer po rfé nosse toet; dj' åreu bén trop peu: il est enustiyî come on halcotî. On dit eto: monté, ahessî. F. outillé.

gåre ! [mot-criya] mostere k' i fåt bén wwaitî a lu. >> Gåre li gåre: refoircixha di "gåre !" (djeu d' mot avou gåre 1). Dj' ô bén: c' est onk toumé djus d' pî Gåre li gåre cwand serè rnouri (dins "Simon li scrinî").

forfé [v.c.] furler (des cwårs). Afénse ki dji n' forfaxhe nén beacôp Vos m' dinroz on briket po boere on côp (dins "Simon li scrinî"). Dj' a todi ovré k' po m' casser l' cô; S' aveu dj' peu d' forfé on doze-sô (dins "Simon li Scrinî"). F. gaspiller. >> forfé a målvåt: profiter di (ene sakî, ene sacwè). Sel fåt absolumint, K' ele si mareye, A èn ome ki soeye comifåt, Ki nel forfwaiye nén a målvåt (dins "Simon li scrinî"). F. compromettre, exploiter, surexploiter, profiter, tirer parti de, galvauder, user.

redjårber [v.c.] 1. rinde ene novele cogne a. Dji m' va e nosse corti po redjårber li tchenowe tiesse di nosse påkî (F. Flaba). On dit eto: rassonrer. F. arranger. 2. ricandjî (on scrijhaedje) pol mete dins èn ôte cotoû. On dit eto: radapter. F. adapter, réadapter. Disfondowes : radjaurber, rèsdjârber, rèdjaurber. Etimolodjeye : bodje "djåbe", dobe betchete r(i)- + e- (rimete e djåbes, rifé les novelès djåbes, pask' ele n' estént nén bén fwaites).

rèsdjârber rl a: redjårber.

djouxhire [f.n.] 1. (vî mot d' cinsî). tere ki n' est nén tcherwêye po s' ripoizer èn an (sorlon on vî sistinme d' agriculteure did divant les ecråxhes tchimikes). Vinoz vinoz, bea efant Les soteas vos ratindèt Divins l' djouxhire cial djondant (Goethe, rat. pa. L. Bukens). Li tins a ståré totes ses eures Bén lon so les prés et l' djouxhire (F. Flaba). Tot s' rewale, on n' voet dedja pus Çou k' est semé, çou k' est djouxhire. Flotche a flotche et sins fé nou brut, Li nivaye toume del bane do cir (H. Simon). On dit eto: trîxhe, waeret. F. jachère. >> leyî (cori) a djouhire: èn nén tcherwer (ene tere), èn an u dpus. On dit eto: leyî cori a royes, leyî e trîxhe, leyî djus. >> li Djouxhire: no d' ene ancyinne plaece di Mårcin. 2. tere k' on n' coûtive pus, po n' nén aveur ene sorproduccion agricole. Estô do dner des subzides pol leyî cori des bounès teres a djouxhire, on-z î plantreut do soya, do golzå, des poes et ki sai dj' (J. Lahaye). F. jachère, friche. Disfondowes : djouhîre, doûhire, djouhîye, djuhîre, djpouh'lîre, djouchêre, djouchîre; vî scrijha: jouxhier. | djouxhler [v.s.c.] tcherwer ene djouxhire. Disfondowes : djouh'rer, djouh'ler, djuhy'rer, djouhy'ler. Coinreces Grand Payis d' Lidje.

leyî djus I. [vierbire a spitron, a coplemint] 1. (mot d' houyeu) leyî dischinde (li caedje, ene berlinne). 2. (mot d' cinsî) leyî (ene tere) a djouxhire. F. laisser en jachère. II. si leyî djus ... | leyaedje-djus [o.n.] leyaedje a djouxhire (des teres di coûteure). F. gel des terres agricoles. Etimolodjeye : parint avou -aedje del vierbire "leyî djus", 2004. <!DF> | leyeu-djus ...

waire 1 I. [adviebe] nén bråmint.

waire 2 [o.n.] (mot d' tcherpintî) tchiviron. So les vienes, on clawe des waires. Di l' åmatén, Penêye copele Sint Djôzef po soyî des waires et des sômîs a mezeure (J. Lahaye). F. chevron. Disfondowes : wére, wêre, winre. Vîs scrijhas: wer, weirs. Coinrece Hôte-Årdene. | wairete [f.n.] pitite waire, 4 so 6 cm. F. chevron. Disfondowes : wérète, wêrète, winrète. | wairî [v.s.c.] mete des waires so on toet. F. poser les chevrons. Disfondowes : wérî, wairer.

tchiviron / tchviron [o.n.] (mot d' tcherpintî) cwåré bwès, 6 so 6 cm, k' on mete so les vienes, dins l' sinse del valêye do toet, et k' on clawrè les colebales dissu. C' esteut ene mizere di tchaplete fwaite avou des tchvirons taeyîs al hepiete divins des coxhes di tchinne (R. Painblanc). On dit eto: waire (2). F. chevron.

histou [o.n.] rascråwe. Nos avans-st avou des histous dispoy kéke tins : après m' feme malåde, ç' a stî li ptit (M. Peclers). Po cpiter les histous evoye k' avans ns polou rire et tchanter ! (J. Govienne). Tenawete, i fwait ene ribote, po rovyî ses histous (J. Lahaye). On dit eto: mehin. F. problème, souci, tracas, ennui. Coinrece Payis d' Lidje.

piole [f.n.] prijhon. Co on djeu po-z aveur des mizeres, oudonbén po t' tchôkî el piole (J. Lahaye). On dit eto: gayole, cadje, amigo, pote, violon.

rôbaler [v.s.c.] 1. rôler, tourner pattavå. Ti rôbaléves sins dkeure di l' eure, come les lapéns (L. Warnant). On dit eto: wåler. F. vagabonder. 2. si pormoenner. Sacwants ont divnou des fels soçons et ont sovint rivnou rôbaler avou mi avårci (J.P. Dumont). F. se promener, se balader,. 3. voyaedjî, tot djåzant di des pinsêyes. Li mådjinåcion del båshele aveut corou, et ses haiteyès pinsêyes avént rôbalé so les pî-sintes des amours foû mezeures (J.P. Dumont). F. voyager, voguer, se perdre. 4. si pormoenner so Etrernete. Divant d' fé des noveas mots, fåt aprume ritrover les vîs; metans " cweri so l' Etrernete ", ça pout esse: rôbaler sol toele d' araegne (G. Cabay). On dit eto: naivyî, cibernaivyî. F. surfer, naviguer. Etimolodjeye : acdjondaedje di "rôler" eyet "tricbaler". | rôbaleu, rôbaleuse u rôbalresse [o.f.n.] li ci (cene) ki rôbale, ki rôle totavå. Ti, l' rôbaleu, ni rgrete nén les potes ki t' leyes divins les hôtès yebes (L. Warnant). On-z a rnipé et tchåssî nosse rôbaleu come on milôr (J. Lahaye). F. vagabond. Coinreces Payis d' Lidje.

rôbaler foû [vierbire a spitron, a coplemint] rôbaler dins totes les coines di. Penêye rôbale li payis foû dispoy des ans et des razans (J. Lahaye). Nos avans stî rôbaler tote li veye foû (L. Bukens).

pot [o.n.] a fé. rl a: posson. |  pote [f.n.] 1. pitit trô e tere, la ki les aiwes si rashonnèt. On dit eto: fosse. rl a: poter. F. fossette, Ny. putte. >> El pote: no d' ene plaece di Mårcin. >> Cinse del Pote: no d' ene plaece di Trazneye. 2. plaece k' on s' a coûtchî dins les yebes Ti, l' rôbaleu, ni rgrete nén les potes ki t' leyes divins les hôtès yebes (L. Warnant). 3. prijhon. On dit eto: gayole, cadje, amigo, violon, piole. | potiket [o.n.] pitit pot. Penêye a rivnou a lu al clinike, avou des touwyeas et des potikets åtoû di s' lét (J. Lahaye). | potea [f.n.] pitite pote avou di l' aiwe di plouve. F. flaque.

nénatif [addj.] (ene miete po rire) vinou (owe) å monde et dmorant (a ene metowe plaece). Estoz d' Fosse, vos ? Oyi nénatif, sapinse k' on n' dit.

Chinel [no d' persounaedje foclorike] mwaisse persounaedje del létaré d' Fosse, avou deus bosses, ene padrî èt ene padvant, et ene såpe po-z aduzer les djambes des femes.

fiermint [o.n.] såpe. Li fiermint, bén rshinmé, côpéve come on raezoe. On dit eto: courbet. F. serpe. Etimolodjeye : bodje fier, cawete -mint 3 (acawêye a on no). | fiemtea [o.n.] pitit fiermint. Dinez m' vosse fiemtea ki dj' côpe les loyéns a ene cope di djåbes (J. Lahaye). On dit eto: sårpete, sårpea. F. serpette. Coinreces Payis d' Lidje.

fiemtea rl a: fiermint.

såpe [f.n.] usteye des bokions, sôre di crombe lame avou on mantche, po côper des coxhes avou ene mwin. On dit eto: courbet, fiermint. | sårpete [f.n.] pitite såpe. | sårpea [o.n.] sårpete. On dit eto: fiemtea. | sårpoe [o.n.] pitite winne k' on pind al cingue del marone, po mete li sårpea dvins. Disfondowes : saurpoû, sau(r)pwè.

milôr [o.n.] ritche ome. Si fi est moussî come on milôr (H. Forir). Il a troes tchets, sognîs come des milôrs (J. Selvais). Etimolodjeye : sustantivaedje del tourneure inglesse (po-z atôtchî on mwaisse) "my lord" (nosse signeur), 1800.

ridjouwer erdjouwer / rdjouwer [v.s.c.] djower après aveur sitaté. On-z oyeut totavå les sclameures des efants ki polént rdjouwer a l' ouxh (Guillaume Smal).

pés [o.n.] boket do coir d' ene vatche (d' ene cavale, evnd) ki rashonne les tetes eyet l' glande ki prodût l' laecea. F. pis. >> Cwand on vént d' å lon, les vatches ont todi des gros pés: dijhêye po ene sakî ki vante on payis k' on n' î pout nén aler vey cwè. Franwal: ahåyant po: à beau mentir qui vient de loin. Disfondowes : pés, pis, vî scrijha: peis (1220). Etimolodjeye : latén "pectus" (minme sinse).

panea-cou [o.n.] couyon (onk k' a peu po on rén). T' as l' pepete, hin, panea-cou ! (P.H Thomsin). On dit eto: schitåd. F. couard, poltron, pleutre. Pluriyal: des paneas-cous. Etimolodjeye : acolaedje no (panea) + no (cou), sustantivaedje del ratourneure "a panea cou" (sins aveur metou s' marone, tot tuzant a ene sakî ki pete å diale). Coinrece Payis d' Lidje.

naxhî (codjowaedje) [v.c.] cweri pattavå après ene sacwè, sins rmete les cayets e leu plaece. On dit eto: randaxhî, ranxhî, naxhter, rinaxhî. F. fureter. Disfondowes : nahî, nachî, nancher, nanchè. | naxhåd, e [o.f.n.] li ci (cene) ki naxhe tofer. F. fureteur. >> li Naxhåd: no d' on ri d' Yasche (pask' i crombeye come s' i cwereut après s' voye). Disfondowes : nachaud, nahaud, nahâd, nanchaud. | naxhieus , e [addj.] ki cwire tos costés. Ene naxhieuse pitite båshele.

nier [o.n.] 1. sôre di fyis k' i gn a dins l' coir, et ki moennèt l' corant do cervea ås tchås et ås dispoyes. F. nerf. >> taper so les niers: amwaijhi, måvler. 2. blancs deurs bokets ki raloyèt les tchås ås oxheas. F. tendon. >> djus d' nier: avou l' les oxheas do cawî ki sont distinkyî, çou k' anonce k' ene asmetante vatche va dabôrd veler. I m' shonnéve k' elle esteut dedja djus d' nier et k' ele tripléve ir al nute (J. Lahaye). Disfondowes : niêr, gnér, gnêr, gnèr, nêr. Vî scrijha: nierz (1210). | nierveure [f.n.] basti d' ene foye d' åbe, ki fwait come des niers ki corèt å mitan. rl a: renierver. F. nervure.

renierver [v.c.] fé come des nierveures. Il aveut ene ronde roslante figueure ki des blancs clairsemés tchveas reniervént co (R. Dedoyart). F. parcourir, silloner.

téncawe [f.n.] 1. cawe d' ene pompe a mwin. F. poignée. 2. cawe k' on tént avou ses mwins po fé aler ene machine Li téncawe des vitesses d' ene oto. rl a djîsse F. levier, manette. Disfondowes : tin-cawe, tin-cowe, téⁿ-cawe; Pc tin-queue. Etimolodjeye : aplacaedje tîxhon no (tén, sivierba di "tini") + no (cawe); cawe k' on tént.

tombale I. [f.n.] 1. pitite tombe. F. tombelle. 2. tombe d' on Merovindjin, avou on hopea d' tere et d' pires ådzeu. F. tumulus. 3. pitite bosse so on plat terin. F. monticule. >> Al tombale: no di des plaeces di Vierset, di Solé. II. Tombale [n.dj.] no d' famile di Walonreye, e F. Tombal, Tomballe, Tombelle. Etimolodjeye : bodje "tombe", cawete -ale.

soce [f.n.] troke di djins ki s' metèt eshonne po bouter, u po s' divierti. rl a: assoçner. F. association, société. Etimolodjeye : bodje do viebe latén "sociare" (s' assoçner). | soçon; soçone u soçonde u soçondje I. [o.f.n.] 1. copurade: a). camaeråde. Asteure, soçon, ni m' è vou nén Di t' aveur dit tot plat çki dj' pinse (J. Pirson). El fåtcheuse a co passé, et nos prinde nos vayants soçons X et Y. On dit eto: amisse, planket, cousse, cama. rl a: copere, cofrere, copleu. F. copain. 2. li ci (cene) k' est d' soce avou vos (po bouter), k' est dins l' minme soce culturéle, evnd. Si nos volans, nozôtes Ranteulîs, et soçons adlé li Ranteule, continouwer à nos siervi di l' informatike po s' atôtchî avou l' keur å lådje, nén racatuzer meye côps çou k' on pout u n' pout nén dire, i m' shonne k' i nos fåt mete nominme noer so blanc, des bårires po s' ahouwer des dandjîs (Y. Paquet). On dit eto: copleu. F. associé. 3. (mot di rlidjon) tchaeke djin k' est åtoû d' vos, ki vike avou vos tos les djoûs, et k' vos lyi dvoz des dvwers. Li Bon Diu, vos l' voeroz voltî, et vosse soçon come si ç' sereut vos (Sint Luk, ratourné pa A. Henin). F. prochain. 4. (vî mot d' cinsî, di tcheron) deujhinme tchivå k' on atele dilé li moenneu d' atelêye. II. [aduzoe] valet. Ça n' va nén come ça, la, soçon. rl a: cofrere. III. Soçon [n.dj.] sipotaedje des djins d' Lignè, motoit a cåze di l' eployaedje a tot côp bon do mot soçon come aduzoe. rl a: Cadet, Cuzén.

amisse [o.n.] franc soçon. Nos n' roveyrans nén les amisses k' il ont stî po nozôtes. Cwand dji m' distchinne, gn a pus ni amisses, ni famile ni rén (A. Maquet). Totes ces tchedjes la ki vos m' pårlez Sont mo bén råles a-z atraper Fåreut aveur kéke boun amisse (Simon li Scrinî). rl a: Lamisse, rl a: anîsse. Etimolodjeye : latén "amicus" (minme sinse). | amisté [f.n.] sintimint k' on-z a vou ses amisses. | amiståve [addj.] ki vs mostere di l' amisté, ki s' codût come èn amisse. Disfondowes : amistauve, amistâve, amichtauve, amichtaule. | amiståvmint [adv.] d' ene amiståve manire. Disfondowes : amistauvmint, amichtauvmint.

planket [o.n.] camaeråde, soçon. Gena et Magonete, c' est on grope di djoyeus plankets ki s' savèt plaire tot-z ovrant (M. Slangen). F. camaeråde, copain.

dispårker [v.c.] rissaetchî les pås d' on pair. Po rsaetchi l' rôlea foû del pasteure, il a falou dispårker.

pârk rl a: pair.

pair [o.n.] 1. aireye (di fleurs, di verdeures). rl a: pairtchet. F. plate-bande. 2. eclôs po les biesses waidyî, fwait avou des pås et do fi d' ronxhes. rl a: dispairker. 3. grand eclôs avou des åbes, et kécfeye des biesses. Elle a dramté disk' å pair, pu evoye dins li ptit bwès, vaila pus lon (L. Somme). Evoye s' aler renairi padzo l' bwès d' poye, å coron do pair (L. Somme).Parintêye: pårtchet, pårkigne, dispårker. F. parc. Disfondowes : pârk, park, pêr.

pårtchet [o.n.] pitit pair (di fleurs). F. plate-bande. Disfondowes : pârtchet.

pårkigne [o.n.] plaece k' on î leye si oto. Disfondowes : pârkine, paurkigne.

cwåré [o.n.] 2.aireye (cwårés plantès avou des fleurs u des yerbêyes, e-n on cortî). Må pô d' tins, vos voeroz des beas cwårés wårnis d' rôzîs et plins d' fleurs (J. Delchambre). F. plate-bande.

aireye [f.n.] pitit cwårea di fleur u d' verdeure dins on corti, on djårdén, on tchamp. rl a pair, pårtchet . F. plate-bande. Disfondowes : êrîye, êrîe, êrêye, êrêye Etimolodjeye : pårticipe erirece di "airyî". | aîryî [v.s.c.] fé des aireyes.

hate [o.n.] taper l' hate (so ene sakî): dire do må d' leye. Coinrece Payis d' Lidje.

hate 2 al hate rl a: schate, aschate.

Entrées illustrées.

Intrêyes saetcheyes lanawaire e poirtrait.

passêye 1 [f.n.] 1. måke ki les biesses, les djins leyèt a tere cwand il ont passé. Ti rlaves li måjhone pu ti rmousses divins : waite les passêyes ki t' leyes. On dit eto: rote. F. trace (de pas). 2; (imådjreçmint) dimorance do passaedje d' ene djin, d' on peupe. So les passêyes des Walons d' Suwede. F. trace 3. passaedje, plaece ki tos l' monde î passe. F. lieu de passage.>> èn nén dmorer lontins al passêye : trover rade on galant, tot cåzant d' ene comere nozêye et bén rivnante.On dit eto: èn nén tchamoussî

Passêyes di sacwantès aclevåvès biesses (a droete: vatche, tchén, poye; a hintche: tchet, tchivå, pourcea).

passêye 2 [f.n.] håsse (vindaedje al håsse). Li boledjî a stî rvindou et, tins del passêye, si feme ès dislaminte (R. Arcq). On dit eto: vinte al baguete. F. vente aux enchères. >> passêye do djoû des moirts u: passêye des åmes : håsse k' on fwait a l' intrêye dal cimintire, li djoû des åmes (li 2 d' nôvimbe); avou les cwårs, on dit des messes po les moirts do viyaedje. C' est ene viye pratike ki dji n' conoxheu nén, li passêye des åmes (B. Hosslet).

passêye 3 [f.n.] çou ki passe dins on rampono, evnd. I vudèt ene dierinne passêye d' aiwe dins l' rampono å cafè.

håsse 2 [f.n.] vinte divant tos les djins di béns d' ene eritance u da ene djin k' est saizeye. On dit eto: passêye, vinte al baguete.

rote [f.n.] 1. bele voye. rl a: grand-rote, otorote. 2. passêye d' ene biesse. Gn aveut des ptitès rotes e l' ivier. Al nive, totes les biesses leyèt des rotes: les soris, les spirous, les robetes, les lives, les rnåds, les tchivroûs (S. Fontaine).

baguete [f.n.] fén baston. On dit eto: trike. >> vinde al baguete: fé ene passêye

Quelques mots "modernes".

Sacwants mots d' ådjourdu (pacô riprins do vî vî tins).

fotosinsiûle [addj.] ki prind foirt les rais d' loumire. F. photosensible. | fotosinsiûlisté [f.n.] difåt u cwålité del djin, del biesse, del plante, do prodût tchimike k' est fotosinsiûle. | fotosinsiûlihaedje [o.n.] 1. (mot d' medcén) maladeye del pea d' ene djin ki s' fwait broûler di wai d' solea, a cåze di prindaedje di droukes, u d' sacwants makiyaedjes. 2. (mot d' årtisse) maladeye des vatches ki magnèt sacwantès waides, kel blanke pea toûne tote a crapes, pu s' displaker a grossès takes di cur.

Ene vatche avou del fotosinsiûlisté (poirtraits saetchîs pa L. Mahin).

sinsiûle [addj.] k' atrape rade des maladeyes. On dit eto: rascråwåve. rl a: fotosinsiûle. F. sensible. Etimolodjeye : viebe "sinti", cawete -ûle, sol tcherpinte do F. "sensible", 2000.

codjower [v.c.] mete (on viebe) a tos les tins et a totes les djins. F. conjuguer. Etimolodjeye : bodje "djower" (disfondowe di "djouwer"), ehåyeye betchete co- (nén spotchåve), sol tcherpinte di l' espagnol "conjugar",1995. | codjowaedje [o.n.] metaedje a tos les tins et a totes les djins. F. conjugaison. | codjowant [addj.] codjowant infinitif : (mot d' linwincieus) el croejhete walone, infinitif ki shût ene adjondrece (sovint "et", mins eto "pu" u "u"), metou dirî on codjowé viebe, et ki rote å pus sovint come on codjowaedje å minme tins, minme djinre, minme djin. F. infinitif substitut. Luçon so les codjowants infinitifs. Etimolodjeye : viebe "codjower", cawete -ant, 1999.

conjuguè rl a: codjower.

<!DF>rifudjî u erfudjî / rfudjî, eye [o.f.n.] djin k' est ctchesseye foû d' ses waibes a cåze d' ene guere, d' ene rascråwe naturale (et sovint viker dins des camps). Signeur, vinoz è nos ecoraedjî On-z est des minåbes rifudjîs Pitié, schoûtez nosse priyire, Vos avoz stî rfudjî eto cwand vos parints ont xhåré e l' Edjipe (P. Jean). rl a: sins-feu-ni-leu. F. réfugié. Disfondowes : rèfujiè, rèfujiyî, r(i)fudjî, (è)rfudjî, èye.

rèfujiè rl a: rifudjî.

omonî [o.n.] curé dins on cazer. F. aumonier. | omonire [f.n.] boûsse ki pind al cingue. Po mes påkes, dj' a yeu ene omonire et des blancs wants (ramexhné pa J.J. Gaziaux).

fråze [f.n.] cawêye di mots ki cmince pa on mot avou ene grande lete, et fini pa on pont. F. phrase. | fråzlete [f.n.] (croejhete) troke di mots ki s' coprind tote seule, mins ki vént dins ene pus grande fråze. F. proposition. >> mwaisse fråzlete: fråzlete ki fwait soûmint ene fråze la k' i gn a des ôtès aloyeyès fråzletes. proposition principale >> aloyeye fråzlete: fråzlete ki rote come on coplemint (di tins, di såme). F. proposition subordonnée. >> forveyowe fråzlete: fråzlete ki cåze d' ene sacwè ki n' såreut ariver, come "si matante end åreut, ci sereut mononke". F. proposition irréelle. >> fråzlete rahoucrece: fråzlete aloyeye a on no. >> sititcheye fråzlete: fråzlete sititcheye e mitan del fråze, et waeranteye pa des åtchetes u des tirets. Dipus d' racsegnes e walon so sacwantès sôres di fråzletes. Etimolodjeye : bodje "fråze", cawete -ete, 1996.

påmî [o.n.] åbe des tchôds payis ki prodût des dates. Des "makuti", e kiswahili, c' est des grandès foyes di påmî (D. Trempont). F. palmier.

bén-fond [o.n.] (mot d' notåre) bén ki n' pout nén bodjî (tchamp, terén, måjhon). Vos avoz des rintes, des béns-fonds; Fijhoz lzî d' tot ene donåcion (dins "Simon li scrinî"). A-st on måy veyou ene vatche esse li mwaisse-tinante d' on bén-fond ? (L. Mahin). Divant waire, on va dveur ricandjî les tites des bén-fonds; gn a tot on tribole-manaedje dins les cadasses di ces trevéns cial (L. Mahin). rl a: bén-meube. F. bien foncier, bien immobilier, propriété foncière. Ingl. real estate. Pl des béns-fonds.

bén-meube [o.n.] (mot d' notåre) bén ki pout bodjî (meubes, cwårs, accions, tites). Li cparexhant a rnoncî por zels a ses oumires et shuvanmint els a rindou prôpietaires di ses béns-fonds et béns-meubes (dins "Simon li scrinî"). rl a: bén-fond. F. bien mobilier. Pl des béns-meubes.

oumires [f.n.t.pl.] (mot d' notåre) droet d' uzaedje k' el dierin vicant (d' on manaedje) a so les béns do moirt ki les efants ont erité. Li cparexhant a rnoncî por zels a ses oumires et shuvanmint els a rindou prôpietaires di ses béns-fonds et béns-meubes (dins "Simon li Scrinî"). F. usufruit. Etimolodjeye : bodje latén "humus" (ansene ki s' a dismantchî dins tere), cawete -ire.

Herr Gott Hiemich ! [mot-criya] (v.v.m.) Mon Diu todi ! Herr Gott Hiemich ! Mon Diu todi Fåt i k' fwaiye cori on sfwait brut Po fé piede si reputåcion (Simon li scrinî). Coinrece Vervî Måmdey.

Grammaire.

Croejhete.

må 2 [divancete] divant. Si dj' va cweri l' årtisse a pî, må d' esse e s' måjhone, li vatche sere velêye (J. Lahaye). >> må pô d' tins: divant pô d' tins, divant waire. On ns åreut traité d' minteus, e 1945, si ns årén dit ki må pô d' tins, nos aléns vey serer totes les houyires (G. Mottard). Må pô d' tins, vos voeroz des beas cwårés wårnis d' rôzîs et plins d' fleurs (J. Delchambre). F. bientôt. Etimolodjeye : dobe forcoridjaedje do payis d' Lidje: dv => mn (divni => nmni) + an => å (manker => måké), avou rispotchaedje mnå => må, divnou on djivion, pa assaetchance di må (1).

djans [viebe codjowé] alans ! (codjowaedje coinrece do viebe "aler, ås cåzants do prezint d' l' indicatif et do cmandeu. Pårlans prumirmint d' nos maryî :: Oyi, et djans s' trover l' curé. (dins "Simon li scrinî"). Disfondowes : djans, djons, djos.

djo ! rl a: djans.

djô ! [mot-criya] mostere li djoye. Ttåtoû d' leye, i criyént, a fé sôtler l' cawyåd " Djô ! Djô ! L' awousse est fwait ! L' awousse est fwait ! Djô ! Djô ! " (M. Renard). F. hourra, hurra. Etimolodjeye : sicawa di "djoye".

Le suffixe -indje.

Li cawete -indje.

-indje [betchete] 1. acawêye a on viebe, mostere ene accion di ç' viebe la (no d' fijhaedje), sovint veyou d' on mwais costé: faitindje, rotindje, vudindje, costindjes, avlindje. rl a: -aedje (1). 2. dins des nos d' viyaedjes elle est acawêye a on vî vî ptit no tîxhon, et vout dire "les djin d' mon" (Wåclindje = les cis Walker, les cis d' mon Walker, li famile Walker). a) metou so les payis ki djåzèt lussimbordjwès. Wåclindje, Lozindje, Tontlindje, Sélindje, Måtlindje, Bodindje. b) metous el Hesbaye. Roclindje, Havlindje, Tîhindje, Lonkmindje, Ôtrindje. 3. li minme sinse dins li femrin "Flamindje" (Flaminde). 4. calcaedje riwalonijhîs di cawete francesse avou -ange. 5. nén trop claires u fåsses betchete. mazindje, caclindje. Disfondowes : -indje, -andje, -ondje. Etimolodjeye : cawete tîxhondje -ingen. rl a: -igne, -in, -urlin, -ingue.

-andje rl a: -indje.

-ondje (Havlondje, Tîhondje) rl a: -indje.

-ingue [cawete] moite cawete d' inglississes. metingue, pudingue, meringue, broningue. Etimolodjeye: vî rwalonijha del cawete inglesse -ing, prononcêye come on l' lireut e francès, sins cnoxhe l' inglès, 1930. rl a: -igne, -in, -urlin, -indje.

broningue [o.n.] sôre di gros pistolet (po tirer).

faitindje [f.n.] (veyou do mwais costé) tot çou k' ene sakî fwait (di nén trop catolike). On dit eto: rotindje, djesse, keure. F. acte, action.

rotindje [f.n.] (veyou do mwais costé) tot çou k' ene sakî fwait (di nén trop catolike). On nos a stitchî eto: "Ebén Emael imprenable", "Nous vaincrons parce que nous sommes les plus forts", mins ci n' esteut k' on sondje a costé des rotindjes di vosse pitit mostatchou (W. Bal). On dit eto: faitindje.

vude I. [addj.] sins rén ddins. rl a: vûcir, vubwès. II. [o.n.] vude plaece. rl a: vû.

vudî (codjowaedje) I. [v.c.] 1. rinde vude (ene sacwè k' esteut plinne). Il ont vudî l' gurnî. F. vider. 2. rimpli ene jate, on vere avou åk po boere. Vudîz lzî l' gote, båshele, i l' ont bén merité. F. verser. II. [v.s.c.] 1. rexhe, moussî foû. Li saeyea est trawé; ça vude di tos les costés. F. sortir. 2. rexhe, parexhe, tot djåzant d' ene gazete, d' on live. Ene rivuwe ki vude tos les moes. F. sortir, paraître. 3. provni. Lu, c' est onk ki vude del veye: i les vént djinner, disrindjî leu royete (E. Lempereur). F. sortir, provenir. Disfondowes: vûdî, wîdî, voûdî, voûder. | vudî, vudeye [addj.] 1. fén nåjhi, fene nåjheye. F. épuisé(e), exténué(e). 2. djus d' foice. C' esteut ene cavale k' aveut yeu nouv polins; elle esteut vudeye (L. Mahin). F. affaibli(e), fourbu(e). | vudindje [f.n.] 1. rexhowe. Gn a k' deus vudindjes: li prumîre, nos leyans nosse lingaedje aler a rén et i n' fåt nén croere k' i va co tni lontins; i sere refacî pal francès u l' inglès; li deujhinme, nos waitans del fé passer a nos efants (L. Hendschel). F. sortie. 2. vudaedje di l' ôle d' ene oto. F. vidange.

rexhe [v.s.c.] moussî foû. Li scolî do dierin banc rexhe po souner (E. Lempereur). F. sortir. | rexhowe [f.n.] manire di rexhe. On dit eto: vudindje. F. solution.

costindjes [f.n.t.pl.] cwårs k' on alowe (nén trop gaiymint) po fé ene sacwè. F. dépense, frais.

avlindje [f.n.] 1. avalaedje di nive. F. avalanche. 2. avnaedje di totès rascråwes, ene so l' ôte. Comint vént å dbout d' ene pareye avlindje di maleurs ? (G. Renson). F. avalanche, quantité, accumulation, déferlement.

Flamind, Flaminde u Flamindje [n.dj.] onk (ene ki dmeure el Flande, u ki provént d' Flande). | flamind, flaminde u flamindje [addj.] di Flande. C' esteut des grandès poyes flamindjes avou des grandès pates et waire di ploumes (J.J. Gaziaux).

mazindje [f.n.] sôre d' oujhea. Di t' buro, t' as bea do cweri Ene mazindje u on pénson, Ti n' troves ki troes gris moxhons Et des afrontés come tot (L. Warnant).

caclindje [f.n.] pitit noer rond frut ki vént dins les bwès å moes d' awousse, so les caclindjîs. Al såjhon des caclindjes, si Monsieu n' aveut nén dné si åjhmince, i tchessive tos les codeus k' i voeyeut, et moenner ene araedje di tos les diales (H. Matterne). On dit eto: frambåjhe. F. myrtille.

vindindje [f.n.] codaedje des reujhins. S' i n' toume nén des gurzeas, et si les sprewes ni rvinèt nén troes djoûs divant l' vindindje, on-z årè on bon codaedje (F. Nyns).

Correction et augmentations d'articles.

Ricoridjaedjes et recråxhaedjes.

clouctrê | clouctea [o.n.] clouctrê. Bén lon, on cok rashonnéve si poytereye et l' gruzinaedje des cloucteas parvineut disk' al tchambe (J.P. Dumont). Disfondowes: clouctê, clouctia, clouctcha, cloucsia, cloucsiau, cloucsion. Etimolodjeye: ricoprindaedje del cawete "-rê" e "-ea" avou ristitchî R. I fjheut påjhûle.

djaveas (ådzeu) et estoumak (pårteye do dzo avou l' rodje mayta) di des cokeas moirts di maladeye di Newcastle (fåsse pesse) (poirtrait saetchî pa L. Mahin).

moxhyî (codjowaedje) [v.c.] tchessî les moxhes evoye d' on tchvå. rl a: simoxhî. Disfondowes: mouchier, mouchîr, mouchyî, moh'yî, mochyî, mohî, mohi.

<!DF>hårkea [o.n.] (vî mot d' cinsî) 1. bwès travayî, on bon mete long, k' on poite so les spales, et k' gn a deus saeyeas ki pindèt après. Dji rabresse a picete l' binamé valet ki poite mi hårkea (G. Ista). rl a: gorea, lamea, coube, golé, haminte. Vî francès d' Beldjike: Vî fporte-seaux, jouguet. >> mete li hårkea (a kéconk): li tni e cabasse (lyi passer s' bresse totåtoû di s' cô) >> Les Hårkeas: Sipotaedje des djins d' Håre. 2. sôre di triyingue di bwès k' on meteut å cô des boûs e pasteure, por zels èn nén passer les håyes. rl a: båkea (foto), gorea, golé, lamea. Vî francès: tribart. 3. håre, håde (loyén) po les faxhenes u po les vatches. Disfondowes: haurkê, hârkê, harkê, horkê, hâkê, hâlkê, haurkia, haurtcha, haurkâ, haurpia, haurtia, aurtia. Etimolodjeye: bodje tîxhon hark- (crotchet), cawete -ea (rl a: hertchî, håcner, håcler). Coinrece Grand Payis d' Lidje. <!rissaetchî hårker>

håke [f.n.] grand rustea des feneus, des mexhneu. Parintêye: hårker, håcner. Disfondowes : hârke, hauke. Etimolodjeye: bodje tîxhon hark- (crotchet), (rl a: hertchî, håcner, hårkea). | hårker (codjowaedje) [v.s.c.] rusteler avou ç' grand rustea la. Ledjire come ene aronde, ele hårkeye po ratraper l' fåtcheu (J. Calozet). Disfondowes: harkè, hârkëler.

prijhon [f.n.] plaece k' on ressere les djins k' ont stî codånés. On dit eto: gayole, cadje, amigo, pote, violon, piole. rl a: xhuflet, saetchot. F. prison.

tchambe ... >> bouxhî les tchambes: a) tirer on feu d' årtifice. On tchén aveut schapé deus efants ki s' neyént e Sambe: on lyi a fwait les oneurs; on-z a bouxhî les tchambes (H. Petrez). b) souner a messe. On bouxhe les tchambes, wai, la; i betche après meynute (J. Lahaye). Disfondowes: tchambe [tchampe], tchombe, tchan.me,. Pc. cambe [campe].

campe (buchî les ~ ) rl a: tchambe.

botyî 1 (codjowaedje) [v.c.] raidjî (del farene) Dj' a botyî del farene po fé del blanke dorêye al fiesse (ramexhné pa J. Haust). Li farene eva dins l' bultreye Pol tamjhî, pol botyî; Li blanke po fé l' pwin, les wasteas, Li laton pol bisteu, les pourceas (J. Lahaye). On dit eto: tamjhî. F. bluter, tamiser, sasser. >> Al Sint Toumas, boteye çou ki t' as: Al Sint Toumas, li 21 di decimbe, boteye li farene ki t' as po-z awè del bele fleur po fé les cougnoûs å Noyé. Disfondowes: botî, boti, botiyî, botyer, botyî, botchî. | botyî 2 [o.n.] 1. grosse fleur (farene nén trop blanke, k' on n' a rsaetchî foû k' les latons). 2. pwin mitan gris mitan blanc, fwait avou del grosse fleur. Vloz on gris ou on botyî ? Disfondowes: botî, botiyî, botyé, botyî, botchî. Etimolodjeye: pårticipe erirece di botyî. | botiaedje [o.n.] raidjaedje (del farene) | botioû [o.n.] raidje. Gn a des botioûs a fleur, ki n' leyèt passer kel fene fleur di farene et des des botioûs ås latons po rbotyî les raboulets. I passént les poussîs d' petrêye å botioû po fé des schoyeures (H. Scius). Disfondowes: botiou, botchou, botioû, boutiou, boutyoû. Etimolodjeye: cawete -ou. | botireye [f.n.] plaece d' ene mônreye k' on î boteye. Les mônîs botièt l' farene tot l' fijhant passer dins les botious ki sont-st el botireye (J. Haust).

botchî, botchresse [o.n.] mangon | botchreye [f.n.] botike do botchî.

botchî 2 rl a: botyî.

furler (codjowaedje) [v.c.] 1. alouwer bråmint des cwårs, et dipus k' i n' fåreut. Pôreut vali k' on s' pôreut, sins furler, leyî viker (R. Viroux). Il esteut tins d' waitî a çou k' on fjheut; tel sais bén: on n' aveut nén a furler (R. Prigneaux). Furler et taper ses cwårs evoye, dabôrd k' i lzî faleut ddja bén totes leus plomes po voler ! (G. Brenner). On dit eto: kischirer, kitaper, kissemer, brishôder, digårciner, furlander, furlôzer, taper evoye, fote evoye, alouwer, forfé; les fé voler, xhilter, danser, valser, poûsler. F. dépenser, gaspiller, dilapider. 2. alouwer a målvå ene sacwè d' råle. Coschirer s' tins a dmostrer ki l' francès est on biesse lingaedje, c' est furler li pont d' foice ki ns avans co (L. Hendschel). Mins si c' est po rmete ciste aiwe la dins des mitan stopêyès buzes, et ki pixhèt a tos les metes, c' est furler et coschirer l' aiwe (L. Mahin). On dit eto: forfé. F. gaspiller, galvauder.

voye 2, vôye 2 rl a: evoye.

vôye 3 (F. il veille) rl a: woeyî.

voûye 1 (F. voie) rl a: voye

voûye 2 (F. parti) rl a: evoye.

voûye 3 (F. il veille) rl a: woeyî.

Djenveye [n.pl.] 1. (so plaece: Djèn'vîye) hamtea di Djé-Sint-Rmey, e F. Genville. 2. (so plaece: Tchèn'vèye) hamtea di Mwarci, e F. Jenneville. Et la, a l' intrêye di Djenveye, Sol rouwale do Rotoe, vs pôroz vey Sint Djôzef dins si ptite tchapele, Tote a pires do payis (P. Fourny). Disfondowes: Djèn'vîye, Tchèn'vèye, Djèn'vèye, Djin.n'vèye; vîs scrijhas: Jusanna villa (1147), Jusainville (1291). Etimolodjeye: walon "djusrinne veye" (veye metowe pus bas); rl a: Djenvå, Grinnveye, Djusrinne.

Tchènvèye (hamtea d' Mwarci) rl a: Djenveye.

Ista, Georges (1874-1939) sicrijheu d' walon, gaztî di s' mestî (a Paris), et pondeu et caricaturisse po passer s' tins. I scrît aprume do teyåte: "Monnonke Djouprele" (1904), "Kî çk' est l' mwaisse ?" (1905), "Li rôze d' årdjint" (1906), "Pire ou Pål" (1907), "Mitchî Peket" (1908), "Madame Lagaesse" (1909), "Li veûltî" (1910), "Li båbô" (1912). Après, i rashonne sacwants rimeas et paskeyes divins "Contes et nouvelles" (1917), parexhou e pluzieurs lives, wice k' on trove des bokets foirt rilomés come "Li boûkete emacralêye", on classike des recitaedjes d' efants, u "Li hårkea", metou felmint e muzike pa Pierre Van Damme. I n' sicrirè pupont d' walon après çoula, mins ses pîces, foirt bén adjinçnêyes et avou do mo bon walon, seront djouwêyes eyet rdjouwêyes. Sapinse a Maurice Piron: Djôr Ista a passé come on vint d' bijhe ezès belès letes e walon. Eto, Piron nel riprinda nén dins si grosse antolodjeye des scrijheus e walon. Li pådje då Djôr Ista. Dipus d' racsegnes so s' veye (e francès), dizo l' pene da Jenny D'Inverno, divins, Wallonnes, 1/1996.

cougnoû >> botroûle di cougnoû: rodje rond d' årzeye metou e mitan do cougnoû. rl a: bodene, falu, bondiu, macaron, corone, mastele, platea, boton, rôlete.

crahea [o.n] 1. boket d' hoye må broûlêye, et ralouwåve (mins ki n' broûle nén bén). Li tchåfaedje des craheas då gaz dal fondreye, i ndè fåt nén cåzer (J. Colson). On dit eto: sicrabeye. F. escarbille. >> ramasser ås craheas: cotchter. >> on djoû gayete, on djoû braijhe, on djoû crahea: imådje po mostrer k' el veye eva, come li gayete k' on mete e feu, ki braijhene pu divni on laid boket. 2. boket d' soûfe agloumieye, aplakêye al tchiminêye u al sitouve. >> poli come on crahea: nén poli do tot. F. mâchefer. 3. boket d' bwès (u d' ôte tchoi) må broûlé, ki dmeure après on feu. Do palå et del catedråle da Notger, i n' dimorrè k' des craheas et des foumires (J. Brumioul). F. cendres, débris calciné, tison. >> Ostant tourner a craheas k' a poûssire: dijhêye d' onk ki toûne må, mins ki dit k' i gn a k' ont co toumé pus bas k' lu. Ostant tourner a craheas k' a poûssire Est çki nosse bråve Sint Lorint n' l' a nén dit (J. Colson). 4. mannete djin. F. souillon. Disfondowes : crahê, crèhê, crahin, crahé, crahyê, cra.é, crayê, crayé, crahya, cracha, craya, miersipepieuzmint el mape A.L.W. 5.20 ey el notûle ALW 5.46. Etimolodjeye : bodje tîxhon "Krahe" (coirbå, k' a l' minme coleur), raptitixhante cawete -ea.

crahea d' Sarazin [o.n.] 1. crahea k' on rtrove dins les bwès e sårtant, la k' gn a aveut des bas-forneas. Å moumint k' les Romins ont vnou, gn aveut bråmint des bas-forneas, po fé fonde li fier; c' est po ça k' on nd a rtrové ene masse, di craheas d' Sarazins (A. Howaerts). On dit eto: crahea des nûtons. F. escarbille. 2. restant des hôts-forneas. C' est ene bene di craheas d' Sarazins ki s' aveut rtourné so èn ovrî (L. Somme). F. scorie.

Sarazin [n.dj.] 1. muzulman del Moyinådje, ki s' batént avou les crustins e l' Espagne. F. Sarrasin. 2. ancyin Bedje (djins ki dmorént el Gåle divant les Romins, et k' estént payins). F. Gaulois, Celte, homme des caverne. >> pire di Sarazin: foirt deure pire taeyeye pås Ancyins Bedjes. F. silex néolithique. >> crahea° d' Sarazins. >> Tchimin des Sarazins: no d' ene plaece d' Åbe (so ene voye rominne lérece). >> Trô des Sarazins : no di des plaeces di Djerpene, Biômont, Chimai, Lovervå, Boufiou, Virele, Sour-so-Sambe, Rwazin, Ronså et Couyet. >> Cåve des Sarazins: no di des plaeces di Bierceye et Cipli. >> Fosse des Sarazins: no di des plaeces di Tchampion, Fraire, Gråce et Oufet. >> Fontinne des Sarazins: no di des plaeces di Tchåkire et Berimayni. >> Fontinne des Sarazins: no di des plaeces di Tchåkire et Berimayni. "Dipus d' racsegnes (e francès) so les nos d' plaeces avou Sarazin". 3. ancyin Bedje, erirêye djin, viye haeyåve feme. A l' vî sarazin k' c' est d' ça ! On dit eto: kaizerlik. >> Rowe des Sarazins: ancyin no d' rowe di Dårmé (asteure: rowe di Mon); di Nameur (asteure: rowe Notru-Dame). Kinoxhoz l' rowe des Sarazins ? C' est la k' dj' a vnou å monde. Adon, c' esteut des bråvès djins. On n' pinséve nén a s' tonde (C. Wérotte). 4. lomaedje des djins d' Sarasse (coulot d' Nameur); sipotaedje des djins d' Hegne (hamtea d' Djumet), di Viveye. Etimolodjeye : latén "sarracenus" (minme sinse); rl a: boûkete. | sarazinne I. [f.n.] trô d' Sarazin (trô dins ene rotche, k' on croet ki des vîs omes î viként. II. Sarazinne [n.pl.] hamtea di Spontin, so plaece: Salazène, e F. Salazinne.

Salazène rl a: Sarazin.

tchatch aveur tchatch [vierbire] esse bén, aveur tot çou k' i fåt. Nos avans tchatch di vey li govienmint aidî nos frés do Plat Payis a s' ricfoirter l' esprit gråce ås beas lives et ås bons teyåtes (M. Schinler). Todi endè-st i k' on bea djoû, dizo les ouys di s' feme k' end aveut tchatch, André telefona a Zita et lyi dire k' i rmagnive si parole (J.P. Dumont). Les måjhires avént tchatch e leu fåstroû d' clawsons (A. Lovegnée). F. apprécier, être comblé(e), jouir, être aux anges. Coinrece Payis d' Lidje.

tchén.... . >> on tchén avou on tchapea°. >> ariver come on tchén e mitan d' on djeu d' beyes°. >> Li Hôte Tchén-rowe

låtchî 2 ...2. manire di låtchî l' bole <! nén bale>ås beyes.

ploumer 3. prinde tos les cwårs da (å cwårdjeu, evnd). Vos vs avoz fwait ploumer, m' blanc. On dit eto: rilignî, rastibwezer. F. ruiner, ratiboiser, décaver. >> ploumer come on vexhåd: bate comifåt å djeu d' cwåtes. II. si ploumer...

Ricoridjaedjes pattavå.

hoyire, hoyeu => houyire, houyeu.

emey => emé

refudjî => rifudjî u erfudjî / rfudjî.

bouxhi => bouxhî

(Simon li scrinî) => (dins "Simon li scrinî").

vitolet => vîtolet (betchfessî é, raploû måss).

vîle => viye

cofré => cofrere

Ricoridjaedjes del pådje divantrinne.

(Back menu page d' entrée du dictionnaire explicatif) Alans rzè al pådje moennrece di l' esplicant motî.

(Back homepage) Alans rzè al mwaisse-pådje

(Back menu lexicologie) Alans rzè al mwaisse-pådje des diccionaires

(graphies "bizarres" Note rapide sur les aménagements orthographiques et les diasystèmes). Po lire avou vost accint: les rcetes al vénvole

Sacwantès fotos u dessins di nosse siplitchant motî polèt esse dizo abondroets; nos les rsaetchrans foû s' i fåt. Les poirtraits saetchîs pa L. Mahin sont rcopiåves po rén, tot metant l' no do saetcheu. Les fråzes des scrijheus polèt aveu sitî rarindjeyes po k' on lzès coprindaxhe foû d' leu waibiaedje.