চেলেং গছ

চেলেং গছ
জীৱবৈজ্ঞানিক শ্ৰেণীবিভাজন
ৰাজ্য:	Plantae
(অশ্ৰেণীকৃত):	Tracheophytes
(অশ্ৰেণীকৃত):	Angiosperms
(অশ্ৰেণীকৃত):	Eudicots
(অশ্ৰেণীকৃত):	Rosids
বৰ্গ:	Malpighiales
পৰিয়াল:	Euphorbiaceae
গণ:	Balakata
প্ৰজাতি:	B. baccata
বৈজ্ঞানিক নাম
Balakata baccata (Roxb.) Esser
সমাৰ্থক
তালিকা Carumbium baccatum (Roxb.) Kurz Excoecaria affinis Griff., nom. illeg. Excoecaria baccata (Roxb.) Müll.Arg. Sapium baccatum Roxb. Sapium dacdece Buch.-Ham. ex Benth., nom. nud. Sapium hexandrum Benth., nom. nud. Sapium populifolium Wall. ex Wight Stillingia baccata (Roxb.) Baill. Stillingia paniculata Miq.

চেলেং (বৈজ্ঞানিক নাম: Balakata baccata) ইউফৰবিয়েচিয়া (Euphorbiaceae) পৰিয়ালৰ অন্তৰ্গত এবিধ সপুষ্পক উদ্ভিদ। পূৰ্ৱতে ইয়াক Sapium baccatum নামেৰে নামকৰণ কৰা হৈছিল। অসমৰ হোলোঙাপাৰ গিবন অভয়াৰণ্যত প্ৰচুৰ পৰিমানে চেলেং গছ পোৱা যায়। পেকেজিং বাকচ তৈয়াৰ কৰিবলৈ ইয়াৰ কাঠ ব্যৱহাৰ কৰা হয়। ইয়াৰ ফলৰ পৰা সুগন্ধি প্ৰস্তুত কৰা হয়। মিজোৰামত এই উদ্ভিদৰ পাত পোহনীয়া জন্তুৰ খাদ্য হিচাপে ব্যৱহাৰ কৰা হয়।

বিৱৰণ

চেলেং গছজোপা প্ৰায় ২৫ ফুট পৰ্যন্ত ওখ হয়। ইয়াৰ ফলবোৰ ৯ - ১২ মিলিমিটাৰ ব্যাসৰ জামুকৰ দৰে মাংসযুক্ত, ৰঙা বেঙুনীয়া বৰণৰ পকিলে বেঙুনীয়া ক'লালৈ পৰিণত হয়।

বিতৰণ

চেলেং গছ ভাৰত, ভূটান, বাংলাদেশ, নেপাল, ম্যানমাৰ, ইণ্ডো-চীন, চীন, থাইলেণ্ড, মালয়েছিয়া, সুমাত্ৰা আৰু ব্ৰুনেউ, লাওছ, ভিয়েটনাম, কম্বোডিয়া আৰু পূৱ হিমালয় অঞ্চলত পোৱা যায়।