Séul
Séul (Koréa: 서울, arti: "Ibu Kota"; HPA: [sʰʌ.uɭ] ), atawa nyang resminya Kota Kusus Séul, entu ibu negerinya Koréa Udik nyang umurnya, mah, ada 600 taon lebi. Ampé taon 1945, ni kota tau jadi ibu negerinya antéro Koréa. Semprakan jejegnya Kiblik Koréa, atawa nyang bekènnya Koréa Udik, taon 1948, Séul jadi ibu negerinya ni negara, kecuali cuman pas lagi Perang Koréa nyang mènclok-mènclok ibu negerinya ke tempat laèn.
Séul lempengannya, mah, ada di belah ilir-kulonnya entu negara, di bekidulnya Utekan Locot Gegaman Koréa zona demiliterisasi , ama di Kali Han. Ni kota – pusat atur negeri, budaya, kemasarakatan, ama atur bandanya ekonomi Koréa Udik ama Asia Wètan. Séul juga’ jadi pancernya orang pada dagang, urusan duit-duitan, maskepé-maskepé dari negara mana-mana, ama paguyuban dunia. Ampé sekarang, ni kota dianggep pancernya keduitan Asia Wètan, nyang jadi lambang keajaiban atur bandanya Koréa.
Lantaran di mari ada 10 juta orang nyang pada kedaptar pada ngambrek di utekan nyang gedénya tibang 605,21 km2 doang, Séul dikata jadi atu kota nyang paling empèt-empètan di dunia. Ni kota punya kerangsekan ngeja ni kota jadi atu kota digital-kabel di dunia. Ni kota juga’ gandarannya ada, kali, 1 juta lebi nyang kedaptar. Mangkanya, ampé tengah malem, mah, masing macèt aja ni kota. Kalo Séul gedénya ama bilangan ayengan komuter sekenaannya, keètung dermaga kota Incon ama pebojongan Songnam, bolé dikata, ni utekan – atu utekan nyang paling ngerangsek di dunia. Séul dianggep jadi kota dunia ama diponten sebagé Kota Alpha ama Jaringan Pemerdataan Kota Dunia ama Penduniaan.[1]
Taon 2015, Séul diponten ama Arcadis jadi kota nyang paling cèngli ditempatin di Asia dengen kebagusan idup paling tinggi nomer dua sedunia, nyang boléan kotor dalemnegeri (PDB) saban kepalanya (PPP) bangsa $40.000. Gara-gara ada pusat keperantian teknologi utama nyang adanya di Gangnam ama Digital Media City,[2] Utekan Ibu Negeri Séul jadi tangkringannya 15 maskepé Fortune Global 500. Séul tau jadi empunya rumahnya Semgim 1986, Adu Lomba Musim Pentèr 1988, ama KTT G20 Séul 2010. Séul dipoyok World Design Capital taon 2010. Ni kota juga’ tempat berocotnya K-pop ama rojogan Koréa gelombang Korea .
Paranan
[permak | permak sumber]- ↑ "GaWC - The World According to GaWC 2020". web.archive.org. 2020-08-24. Diarsipin deri nyang asli tanggal 2020-08-24. Dipungut 2022-08-12.
{{cite web}}: CS1 maint: unfit URL (link) - ↑ Ramachandran, Arjun (2007-06-18). "Tech capitals of the world". The Age (dalem basa Inggris). Diarsipin deri nyang asli tanggal 2022-08-14. Dipungut 2022-08-12.