Rabato

	Rabato
	arabe الرباط, ar-Ribāṭ, angle Rabat
	urbo
	Oficiala nomo: الرباط
Lando	Maroko
Regiono	ekde 2015 Rabato-Sala-Kenitro,; antaŭe Rabat-Salé-Zemmour-Zaer
Konata loko	Kasbaho de Udajo
Turo	Turo de Hasano
Rivero	Bou Regreg
Situo	Rabato
- alteco	53 m s. m.
- koordinatoj	34° 01′ 03″ N 06° 50′ 10″ U / 34.01750 °N, 6.83611 °U (mapo)
Plej alta punkto
- alteco	75 m s. m.
Plej malalta punkto
- alteco	11 m s. m.
Areo	117,0 km² (11 700 ha)
Loĝantaro	567 000 (2009)
Denseco	4 846,15 loĝ./km²
Oceano	Atlantiko
Fondo	1146
Horzono	GMT (UTC+0)
Poŝtkodo	10 000
	Situo enkadre de Maroko Situo enkadre de Maroko
	Situo enkadre de Afriko Situo enkadre de Afriko
	Vikimedia Komunejo: Rabat
	Retpaĝo: www.rabat.ma

Tiu ĉi artikolo temas pri urbo en Maroko. Pri nocio el ekonomio temas artikoloj Rabato (ekonomiko) kaj Rabato (merkato).

Koordinatoj: 34° 01′ 03″ N 06° 50′ 10″ U / 34.01750 °N, 6.83611 °U (mapo)

Rabato^[1] (arabe الرباط, ar-Ribāṭ) estas la ĉefurbo de Maroko. Ĝi ekde administra reformo de 2015 estas la ĉefurbo ankaŭ de la regiono Rabato-Sala-Kenitro.

Laŭ la censo de septembro 2024 en la urbo vivis 515 619 loĝantoj^[2]^[3] sur areo de 118 kvadrataj kilometroj, kio rezultigas loĝdenson de 4 370 loĝantoj/km².

Ĝi estas atlantika haveno, kaj situas en la buŝo de la rivero Bu Regreg, kiu apartigas ĝin de la najbara urbo Sala (Salé). Kune kun tiu ĉi ĝi formas gravan aglomeraĵon, kvankam pli malgrandan ol la pli ekonomie potenca Kazablanko.

Administra, komerca kaj industria centro. Monumentoj de la 11-a jarcento ĝis la 18-a jarcento. Muregoj el la 11-a jarcento kun fortigitaj pordegoj. Muzeoj.

Ĝia moderna historio komenciĝas en 1146, kiam la almohada gvidanto Abd al-Mu'min (Q307312) konvertis la tiaman vilaĝon en pli grandan fortreson, por lanĉi atakojn al la tiama Iberia duoninsulo. Ĝi fariĝis la ĉefurbo de la kalifo Jakub al-Mansur (Q455739), en kies tempo estis komencita la konstruado de granda moskeo, el kiu restas la konata Turo de Hassan, unu el la ĉefa vidindaĵoj de la urbo.