George Orwell

George Orwell
	; Foto que aparece na acreditación de Orwell para a Branch of the National Union of Journalists (1933)
Biografía
Nacemento	(en) Eric Arthur Blair ; 25 de xuño de 1903 ; Motihari
Morte	21 de xaneiro de 1950 (46 anos); Londres
Causa da morte	tuberculose
Lugar de sepultura	Church of All Saints cemetery (en)
Residencia	Barnhill (en) (1946–1950); Francia ; Birmânia Britânica (pt) ; París ; Londres ; Motihari
Grupo étnico	Pobo inglés
Ideoloxía política	Socialismo, socialismo democrático, anti totalitarismo, Esquerda anti-stalinista (pt) e antifascista (pt)
Relixión	Ateísmo e anglicanismo
Educación	Eton College (–1921); St Cyprian's School (en) (–1917); Wellington College
Altura	188 cm
Lateralidade	manicho
Cor dos ollos	Azul
Cor do pelo	Cabelo castaño
Actividade
Campo de traballo	Artes escénicas
Ocupación	escritor
Período de actividade	1928 - 1949
Empregador	British Broadcasting Corporation
Partido político	Partido Trabalhista Independente (pt) (1938–1940)
Membro de	Partido Obrero de Unificación Marxista
Xénero artístico	Literatura distópica (pt)
Influencias	Charles Dickens e Jonathan Swift
Pseudónimo literario	George Orwell ; John Freeman
Carreira militar
Rama militar	Brigadas Internacionais
Participou no conflito	guerra civil española ; Segunda Guerra Mundial
Obra
	Obras destacables The Lion and the Unicorn: Socialism and the English Genius (en) ; (1933) Down and Out in Paris and London (pt) ; (1934) A Clergyman's Daughter (pt) ; (1934) Burmese Days (pt) ; (1936) Keep the Aspidistra Flying (pt) ; (1937) The Road to Wigan Pier (pt) ; (1938) Homage to Catalonia; (1939) Coming Up for Air; (1945) A revolta dos animais; (1946) Politics and the English Language (en) ; (1946) Why I Write (en) ; (1948) 1984 ;
Arquivos en	Birkbeck Library Archives and Special Collections, University of London (en) ; Lilly Library (en) ; University College de Londres ;
Familia
Cónxuxe	Eileen O'Shaughnessy (1935–1945, falecida); Sonia Brownell (1949–1950)
Fillos	Richard Blair; () Eileen Blair
Pais	Richard Walmesley Blair e Ida Mabel Limouzin
Irmáns	Marjorie Frances Blair; Avril Nora Blair
Parentes	Ellen Kate Limouzin, tía
Premios
	(1996) premio Retro-Hugo á mellor novela, premiado polo traballo A revolta dos animais; (1996) Hugo Award for Best Novella (en) , premiado polo traballo A revolta dos animais; Prometheus Award - Hall of Fame (en) ;
	Sinatura
Descrito pola fonte	Diccionari biogràfic del moviment obrer als Països Catalans, (sec:Orwell, Georges, p.1003-1004); Q136411109 ; Historical Dictionary of Science Fiction,

Eric Arthur Blair, nado en Motihari (India) o 25 de xuño de 1903 e finado en Londres o 21 de xaneiro de 1950, foi un escritor inglés, máis coñecido co pseudónimo de George Orwell. É recoñecido como un dos mellores ensaístas do século XX, se ben cobra especial relevancia no campo da ficción narrativa como autor de dúas novelas fundamentais da literatura contemporánea: A revolta dos animais e 1984.

Traxectoria

Estudou no Eton College de Inglaterra grazas a unha bolsa de estudos. En decembro de 1921 ingresa nunha academia de Southwold en Suffolk para prerapar o seu ingreso na policía. Prestou os seus servizos na Policía Imperial India destinado en Birmania, de 1922 a 1927, data en que volveu a Inglaterra.

Enfermo e loitando por abrirse camiño como escritor, viviu varios anos na pobreza, primeiro en París e máis tarde en Londres. Como resultado desta experiencia escribiu o seu primeiro libro Down and Out in Paris and London (1933), onde relata as sórdidas condicións de vida das xentes sen fogar. Burmese Days (1934), un feroz ataque contra o imperialismo, é tamén en gran medida unha obra autobiográfica. A súa seguinte novela, A Clergyman's Daughter (1935), conta a historia dunha solteirona infeliz que atopa de xeito efémero a súa liberación vivindo entre os labregos.

En 1937, durante a Guerra civil española, Orwell loitou na fronte de Aragón coa 29ª División, formada pola milicia do POUM trotskista. Durante a ofensiva de Huesca recibiu un balazo na gorxa, o que o obrigou a retirarse da guerra. Despois pasa seis meses en Marrocos para recuperarse da ferida. O autor describe a súa experiencia bélica en Homage to Catalonia (1938), un dos relatos máis conmovedores escritos sobre esta guerra e no que se fai responsable ó Partido Comunista de España (PCE) e á Unión Soviética da destrución do anarquismo español que supuxo o triunfo das tropas de Franco. The Road to Wigan Pier (1937), escrita nesta mesma época, é unha crónica desgarradora sobre a vida dos mineiros sen traballo no norte de Inglaterra.

Durante a Segunda guerra mundial, Orwell participou na Home Guard, organización británica de defensa civil, e desenvolveu unha intensa actividade xornalística e política. Entre 1941 e 1943 traballou no Servizo Oriental da BBC, preparando programas de radio dirixidos principalmente á poboación da India e doutras rexións de Asia, co obxectivo de promover o apoio aos Aliados.^[1]

A súa participación na propaganda británica produciuse malia as súas posicións contrarias ao colonialismo, que xa expresara en obras como Burmese Days. Orwell manifestou posteriormente o seu desencanto coa burocracia e a propaganda radiofónica. En 1943 abandonou a BBC e converteuse en editor literario do semanario socialista Tribune, onde publicou a columna «As I Please». Naqueles anos fortaleceu a súa defensa do socialismo democrático e a oposición ao fascismo e ao estalinismo.^[2]

En 1945 publicou A revolta dos animais, unha fábula alegoría da Revolución Rusa e da consolidación do poder estalinista. En 1949 apareceu 1984, novela distópica sobre a manipulación da información, a represión política e o control social, que ofrece unha descrición estarrecedora da vida baixo a vixilancia constante do "Grande Irmán".
Cabe citar entre outros escritos, a novela Keep the Aspidistra Flying (1936) e Shooting an Elephant (editado en 1950 xunto con outros ensaios), ambas consideradas modelos da prosa descritiva, e unha recompilación de ensaios editada en 1953, como un recordo dos seus difíciles anos de estudante. En 1968 publicáronse en catro volumes os seus Ensaios Completos: Periodismo e Cartas.
George Orwell morreu de tuberculose en xaneiro de 1950.

A lista de 1949

En maio de 1949, poucos meses antes de morrer, Orwell entregou á súa amiga Celia Kirwan, empregada do Information Research Department (IRD), organismo secreto de propaganda anticomunista do Goberno británico, unha lista de 38 persoas que consideraba simpatizantes da Unión Soviética ou próximas ao comunismo.^[3] Entre elas figuraban Charles Chaplin, Michael Redgrave, J. B. Priestley, E. H. Carr, Walter Duranty, Tom Driberg etc.^[4]

A relación procedía dun caderno privado con 135 nomes, entre eles Katharine Hepburn, Orson Welles, George Bernard Shaw, Paul Robeson e John Steinbeck, que non figuraban na selección entregada ao Goberno.^[5] O caderno, conservado na University College de Londres, incluía anotacións ideolóxicas e persoais, algunhas con prexuízos raciais e referencias á orientación sexual dos sinalados. Orwell riscou dez nomes, entre eles o de A. J. P. Taylor.^[3]

Parte do caderno publicouse en 1998 e a lista remitida ao IRD fíxose pública en 2003. Dada a súa defensa das liberdades e a súa crítica da vixilancia e a represión ideolóxica en obras como 1984, a revelación provocou unha forte controversia pola colaboración cun organismo secreto de propaganda estatal.^[3]

Obra

Varias obras de George Orwell foron traducidas ao galego. Entre elas:

A revolta dos animais, tradución de Xosé Antón López Dobao, publicada por Edicións Positivas en 1992.
A granxa dos animais, nova tradución de Fernando Moreiras Corral, publicada por Faktoría K (Kalandraka) en 2010, cunha edición posterior de 2020.
1984, tradución de Fernando Moreiras Corral, publicada por Faktoría K en 2011 e reeditada en 2019.

^[6] ^[7] ^[8]

Notas

↑ «George Orwell at the BBC». The Orwell Foundation, 10 de novembro de 2017.
↑ D. J. Taylor, «A Brief Life». The Orwell Foundation.
1 2 3 Timothy Garton Ash, «Orwell's List», The New York Review of Books, 25 de setembro de 2003.
↑ John Ezard, «Blair's babe», The Guardian, 21 de xuño de 2003.
↑ «George Orwell Creates a Who's Who List of “Crypto” Communists», Open Culture, 2015.
↑ «A granxa dos animais». BITRAGA, Biblioteca de Tradución Galega, Universidade de Vigo.
↑ «1984». BITRAGA, Biblioteca de Tradución Galega, Universidade de Vigo.
↑ Marcos Taracido, «George Orwell, o visionario». BiosBardia.

Véxase tamén

Ligazóns externas

[1] «George Orwell at the BBC». The Orwell Foundation, 10 de novembro de 2017.

[2] D. J. Taylor, «A Brief Life». The Orwell Foundation.

[lista-3] 1 2 3 Timothy Garton Ash, «Orwell's List», The New York Review of Books, 25 de setembro de 2003.

[4] John Ezard, «Blair's babe», The Guardian, 21 de xuño de 2003.

[5] «George Orwell Creates a Who's Who List of “Crypto” Communists», Open Culture, 2015.

[6] «A granxa dos animais». BITRAGA, Biblioteca de Tradución Galega, Universidade de Vigo.

[7] «1984». BITRAGA, Biblioteca de Tradución Galega, Universidade de Vigo.

[8] Marcos Taracido, «George Orwell, o visionario». BiosBardia.

[1]

[2]

[3]

[4]

[5]

[6]

[7]

[8]

Traxectoria

A lista de 1949

Obra

Libros

Ensaios

Poemas

Notas

Véxase tamén

Ligazóns externas