Manuel García Baliña
| Biografía | |
|---|---|
| Nacemento | 9 de xuño de 1936  Ames |
| Morte | 10 de febreiro de 2008 (71 anos) Santiago de Compostela |
| Educación | Universidade de Santiago de Compostela |
| Actividade | |
| Ocupación | empresario |
| Familia | |
| Pai | Manuel García Cambón |
Manuel García Baliña, nado en Burgueiros (Ames) o 9 de xuño de 1936 e finado en Santiago de Compostela o 10 de febreiro de 2008, foi un empresario galego.
Traxectoria empresarial
[editar | editar a fonte]Licenciado en dereito pola Universidade de Santiago, traballou longos anos na empresa madeireira FINSA, da que era propietario e fundador o seu pai, Manuel García Cambón. En 1990, co falecemento deste, pasou a ocupar o posto de presidente da firma, así como o maior número de participacións da empresa a canda o seu irmán Santiago García Baliña, na maioría pertencentes a persoas vencelladas á mesma familia.
Durante a súa etapa á fronte da empresa, acadou a compra de varias empresas do sector e expandiu o seu mercado ata converterse na quinta empresa de Galicia[1] e na sexta madeireira de Europa,[2] dedicada á produción de taboleiro aglomerado, MDF e mobles de montaxe sinxela para grandes cadeas de distribución, como Ikea ou Leroy Merlin.
Notas
[editar | editar a fonte]- ↑ "Conmoción en Compostela por el fallecimiento de Lolo Cambón". www.elcorreogallego.es (en castelán). Arquivado dende o orixinal o 13 de marzo de 2021. Consultado o 2021-03-17.
- ↑ Manuel Vázquez Sola (23 de setembro de 2007). "El gigante maderero ya es líder en muebles". El País.