The White Stripes

	The White Stripes
	; Мег Уайт пен Джек Уайт Испанияның Барселона қаласында өткен Primavera Sound фестивалінде, 2007 жыл.
Негізгі ақпарат
Жанры	Альтернативті рок; Гараждық рок; Блюз-рок; Инди-рок; Панк-блюз
Белсенділік; жылдары	1997–2011
Мемлекет	АҚШ
Қайдан	Детройт, Мичиган
Өлеңдерінің; тілдері	ағылшын
Лейблі	Sympathy, V2, Third Man, Warner Bros.
Топ құрамы	Джек Уайт; Мег Уайт
Басқа да; жобалары	The Raconteurs, The Dead Weather, The Go
whitestripes.com

The White Stripes — 1997 жылы АҚШ-тың Детройт қаласында құрылған америкалық рок-дуэт. Топтың құрамына мультиинструменталист, әнші әрі ән жазушы Джек Уайт және дабылшы Мег Уайт кірді. Топ 2000-жылдардың басында гараждық рок пен инди-роктың қайта өрлеуіне (garage rock revival) үлкен үлес қосып, осы жанрдың ең ықпалды ұжымдарының біріне айналды.

The White Stripes музыкалық сахнада өздерінің ерекше минималистік стилімен, тек қызыл, ақ және қара түстерді қолданатын эстетикасымен және блюз бен панк-рокты ұштастыратын дыбысымен танымал болды. Топтың үшінші альбомы White Blood Cells (2001) оларға әлемдік даңқ әкелсе, төртінші альбомы Elephant (2003) рок-музыканың заманауи классикасына айналды. Осы альбомдағы «Seven Nation Army» әні өзінің ерекше гитаралық риффімен әлемге танылып, спорттық шаралар мен фестивальдердің бейресми әнұранына айналды.^[1]^[2]

The White Stripes-тың жанды дауыстағы өнер көрсетулері, ең алдымен, ауыр дисторшн, сондай-ақ акустикалық кері байланыс (feedback) пен овердрайвты шебер қолдануымен танымал болды. Дуэт сахнада барынша еркін әрі бейберекет ойнайтын; олар ешқашан өз концерттеріне арнап алдын ала сет-лист (әндер тізімін) дайындамайтын. Музыканттардың пікірінше, мұқият жоспарлау қойылымның шынайылығы мен кездейсоқтық әсерін бұзады.

Топ мүшелерінің өзара туыстық қатынасы ұзақ уақыт бойы жұмбақ болып келді. Мансаптарының басында Джек пен Мег өздерін немесе ағасы мен қарындасы ретінде таныстырған.^[3]^[4] Алайда кейінірек олардың шын мәнінде ерлі-зайыпты болғаны және 2000 жылы ажырасқаны белгілі болды. Ажырасқандарына қарамастан, олар топты таратудың орнына бірге жұмыс істеуді жалғастырды

Өз мансабында The White Stripes алты студиялық альбом шығарып, бүкіл әлем бойынша 75 миллионнан астам жазба сатты. Топ алты мәрте Grammy сыйлығын иеленді, оның ішінде үш рет «Үздік баламалы (альтернативті) музыкалық альбом» номинациясын жеңіп алды.

2011 жылғы 2 ақпанда дуэт өздерінің таралатыны туралы мәлімдеді. Тиісті хабарлама топтың ресми сайтының басты бетінде жарияланды. Үндеуде айтылғандай, топ мүшелері бірлескен шығармашылықты тоқтату туралы шешімді қандай да бір келіспеушіліктер немесе ынтаның жоқтығынан, сондай-ақ денсаулық мәселелеріне байланысты емес, өз қалауларымен қабылдаған. Дуэт мүшелері топтың қызметін оның «нағыз шыңында» тұрған кезінде тоқтатқысы келді. Осылайша, Мег пен Джек өз топтарын «ерекше» етіп көрсететін сол қасиетті сақтап қалудан үміттенетінін жеткізді.

2025 жылы топ Рок-н-ролл даңқ залына енгізілді.

Дискография

Студиялық альбомдар

The White Stripes (1999)
De Stijl (2000)
White Blood Cells (2001)
Elephant (2003)
Get Behind Me Satan (2005)
Icky Thump (2007)

Концерттік альбомдар

Under Great White Northern Lights (2010)

Марапаттары

Грэмми

Жыл	Номинацияланған жұмыс	Санат	Нәтиже
2004	Elephant	Үздік баламалы музыкалық альбом	Жеңді
	Elephant	Жыл альбомы	Номинация
	"Seven Nation Army"	Дуэт немесе вокалы бар топтың үздік рок өнер көрсетуі	Номинация
	"Seven Nation Army"	Үздік рок әні	Жеңді
2006	Get Behind Me Satan	Үздік баламалы музыкалық альбом	Жеңді
2006	"My Doorbell"	Дуэт немесе вокалы бар топтың үздік поп өнер көрсетуі	Номинация
2008	Icky Thump	Үздік баламалы музыкалық альбом	Жеңді
	"Icky Thump"	Дуэт немесе вокалы бар топтың үздік рок өнер көрсетуі	Жеңді
	"Icky Thump"	Үздік рок әні	Номинация
2011	Under Great White Northern Lights	Үздік қорапты немесе арнайы шектелген басылым қаптамасы	Жеңді
2011	Under Great White Northern Lights	Үздік музыкалық фильм	Номинация
2017	"City Lights"	Үздік америкалық дәстүрлі (Roots) әні	Номинация

Дереккөздер

↑ Alan Siegel How The Song "Seven Nation Army" Conquered The Sports World. deadspin.com. Басты дереккөзінен мұрағатталған 11 қараша 2016. Тексерілді, 31 қазан 2016.
↑ Daniel Martin 20 Things You Might Not Know About "Seven Nation Army". NME. (13 мамыр 2013). Басты дереккөзінен мұрағатталған 24 маусым 2018. Тексерілді, 31 қазан 2016.
↑ Steven Williams Jack White Explains The Truth Behind His Relationship With Meg White. contactmusic.com. (31 тамыз 2005). Басты дереккөзінен мұрағатталған 1 қараша 2016. Тексерілді, 31 қазан 2016.
↑ Chuck Klosterman Meg and Jack White Talk Relationship Issues. Spin. Басты дереккөзінен мұрағатталған 5 қараша 2016. Тексерілді, 4 қараша 2016.

[1] Alan Siegel How The Song "Seven Nation Army" Conquered The Sports World. deadspin.com. Басты дереккөзінен мұрағатталған 11 қараша 2016. Тексерілді, 31 қазан 2016.

[2] Daniel Martin 20 Things You Might Not Know About "Seven Nation Army". NME. (13 мамыр 2013). Басты дереккөзінен мұрағатталған 24 маусым 2018. Тексерілді, 31 қазан 2016.

[3] Steven Williams Jack White Explains The Truth Behind His Relationship With Meg White. contactmusic.com. (31 тамыз 2005). Басты дереккөзінен мұрағатталған 1 қараша 2016. Тексерілді, 31 қазан 2016.

[4] Chuck Klosterman Meg and Jack White Talk Relationship Issues. Spin. Басты дереккөзінен мұрағатталған 5 қараша 2016. Тексерілді, 4 қараша 2016.

[1]

[2]

[3]

[4]