Joost Nuissl

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Vaorsters, es te dit dialek sjpriks.

Joost Nuissl (Amsterdam, 15 oktober 1945 - ouch dao, 7 oktober 2025) waor 'ne Nederlandse kleinkunsteneer.

Leve

Joost Nuissl woort in Amsterdam gebore es zoon vaan de sjèlder Simon Nuissl. Zie debuut op de plaat maakde heer in 1970.

In 1973 verhuisde Nuissl nao Vaors (Broekhuizenvorst) in Noord-Limburg. Dao raakde heer in de dörpskaffee bevrund mèt Nard Reijnders, dirizjènt vaan de plaotseleke kepel. Zoe kaom Nuissl op 't idee veur e leedsje op te numme mèt de dörpskepel en 't plaotselek dameskoer. Dit leed woort "Ik ben blij dat ik je niet vergeten ben", wat in 1975 oetkaom. 't Lieverde häöm oet 't niks 'nen hit op (plaots 7 in d'n Top 40), en zörgde ouch veur lendeleke bekindheid vaan 't dörp Vaors.

Daonao haolde Nuissl gein hits mie. Vaan 1980 tot 1982 vörmde heer mèt Joost Belinfante (later bekind vaan Doe Maar) 't duo Jjoooosstt (spreek oet 'Dubbeljoost'). Ouch sjreef heer tekste veur Rob de Nijs en Lenny Kuhr. Heer waor evels veural es cultureel oondernummer succesvol: zoe waor heer directeur vaan 't Waagtheater in Delft, en daonao jaorelaank vaan De Kleine Komedie in Amsterdam.

In 2025 woort Nuissl plotseling kraank; heer góng ach daog veur zienen tachtegste verjaordeg doed. Heer is begrave in Amsterdam.

Solo-discografie

Een avond met Joost Nuissl: Er Staat Wat Te Gebeuren (1970, elpee).
Een Huis Van Zachte Stenen (1974, elpee).
Ik ben blij dat ik je niet vergeten ben (1975, single). Op donderdag 10 aprèl 1975 verkoze tot Alarmsjief op Hilversum 3.
Laten we maar samen verder gaan; B-zijde: Geboren op de snelweg (1975, single; #5 in de Tip 30).
Ja, Nee Samen (1975, elpee).
Joost Nuissl & Zo (1976, elpee).
Wil je thee? (single) (#30 in de Tip 30)
In de Restauratie (1979, elpee).

Extern links

Ouch gebruuk es bronne