Кулинарски водич
 Првото издание на книгата | |
| Автор | Огист Ескофје |
|---|---|
| Изворен наслов | Le Guide culinaire |
| Земја | Франција |
| Јазик | Француски |
| Предмет(и) | кулинарство |
| Жанр | стручна литература |
| Издавач | Фламарион |
Издадена | 1903 |
| Медиум | книга |
| Страници | 943 |
| OCLC | 30633064 |
Кулинарски водич (француски: Le Guide culinaire) — готварска книга од 1903 г. на славниот француски готвач Огист Ескофје. Се смета за класика и сè уште е во печат. Ескофје ги разработил рецептите додека работел во хотелите „Савој“, „Риц“ и „Карлтон“ од крајот на 1880-тите до времето на издавање. Хотелите и рестораните во кои работел биле најсовремените угостителски објекти кои раскрстиле со пренакитените елементи од викторијанското раздобје и ја опслужувале општествената елита.[1]
Историја
[уреди | уреди извор]Првото издание е испечатено во 1903 г. на француски.[2] Второто излегло во 1907, а третото во 1912 г.[3] Последното и најтековно издание е од 1921 г.
Многу од рецептите на Ескофје се осмислени додека работел во хотелот „Савој“ во Лондон, а подоцна во „Риц“ во Париз.[1] Додека работел водел белешки на картички. Честопати рецептите биле создадени за и наречени по прочуени гости како кралски личности, новозбогатени луѓе и уметници. Откако го напуштил „Савој“ во 1898 г. тој почнал да работи на книгата.[1]
Намена и стил
[уреди | уреди извор]Изворниот текст е издаден за потребите на професионалци, наменет за обука на помладото поколение на готвачи. Книгата се користи така и денес; многу готварски училишта сè уште го користат како кулинарски учебник.
Рецептите се дадени како краток опис и претпоставуваат дека читателот е запознаен со нив, или дека може да ги погледа според клучните зборови во описот.
Книгата „Репертоар на кујната“ (Le Répertoire de la Cuisine, 1914) на Ескофјевите ученици Луј Солние и Теофил Гренгоар се смета за придружно дело на „Кулинарски водич“.
Наводи
[уреди | уреди извор]- 1 2 3 Luke Barr (2018). Ritz and Escoffier: The Hotelier, The Chef, and the Rise of the Leisure Class. Clarkson Potter. ISBN 978-0804186292.
- ↑ Escoffier, Auguste; Gilbert, Philéas; Fétu, E.; Suzanne, A.; Reboul, B.; Dietrich, Ch.; Caillat, A.; и др. (1903). Le Guide Culinaire, Aide-mémoire de cuisine pratique. Paris: Émile Colin, Imprimerie de Lagny.
- ↑ Zeldin, Theodore (1993). A History of French Passions 1848-1945: Intellect, Taste, and Anxiety. Oxford University Press. стр. 737. ISBN 978-0-19-822178-4.
- Escoffier, Georges Auguste., Le Guide Culinaire, 4. изд. France: Flammarion, 1921 (renewed 1993).
- Escoffier, Georges Auguste, Прев. анон., The Escoffier Cookbook. New York: Crown Publishers, Inc., 1969.
Надворешни врски
[уреди | уреди извор]- Le guide culinaire : aide-mémoire de cuisine pratique (Escoffier, 1903) од archive.org — француски оригинал на првото издание
- A Guide to Modern Cookery (Escoffier, 1907) од archive.org — англиска верзија
- Кулинарный путеводитель. Рецепты от короля французской кухни — руска верзија