Ruggeru III di Pugghia

Ruggeru III (1118 - 2 o 12 di maiu 1148) fu lu figghiu cchiù granni dû re Ruggeru II di Sicilia e di Elvira di Castigghia. Fu duca di Pugghia dû 1134 â sò morti.

Lu primu attu pùbbricu di Ruggeru appi locu a Melfi ntô 1129, unni, puru si era ancora picciriḍḍu, accittàu la fidiltà di quarchi baruni ribbelli nsemi a sò patri e sò frati cchiù nicu Tancredi . Sò patri vinni ncurunatu re di Sicilia l'annu doppu lu 25 di dicèmmiru. È pussìbbili ca Ruggeru arricivìu lu Ducatu di Pugghia nta st'èbbica. L'avìa di sicuru ricivutu di sò patri ntô 1134. Forsi fu misu sutta la tutela di Robertu di Selby . Pigghiàu parti ê campagni di sò patri a cuminciari dû 1137, quannu si distinguìu ntâ campagna contra Ranulfu di Alife, ca lu Papa Innuccenzu II e lu mpiraturi Lotariu II avìanu 'nvistitu comu duca rivali di Pugghia. Lu sò primu granni 'mpegnu fu la Battagghia di Rignanu lu 30 uttùviru; nô cummattimentu unni li guerrieri cchiù spirimintati, comu sò patri, scapparu e quarchi d'unu, comu lu Duca Sergiu VII di Napuli, muriu. Lu curaggiu di Ruggeru e lu successu ntâ prima carica a Rignanu cunsulidaru prestu la sò riputazzioni.

Doppu la morti di Ranulfu (1139), la Pugghia fu assicurata, ma Innuccenzu e lu so alliatu, lu prìncipi Rubbertu II di Capua, marciaru versu Melfi. A Gallucciu, Ruggeru fici na mbuscata ê truppi papali cu sulu milli cavaleri e catturau lu papa e lu so 'ntornu. Tri jorna doppu, lu 25 giugnettu a Mignanu, Innuccenzu cunfirmau lu vecchiu Ruggeru comu re, lu cchiù nicu comu duca e lu terzu figghiu, Alfonsu, comu prìncipi di Capua; tagghiannu ufficialmenti Robertu dû so supportu. Succissivamenti, lu duca Ruggeru pigghiau 'n sò pussessu la citati di Nàpuli e la fici parti ntigranti dû regnu, mittennu fini ô cuvernu ripubbricanu c'avìa cuntinuatu doppu la morti di Sergiu.

Ntô 1140, dopu la promulgazzioni di l' Assizi di Arianu, foru cunciati li primi ducati cu n'effigie dô giòvini duca 'n vestiti di battagghia vicinu a so patri, chê manu ntâ Cruci. Lu ducatu pigghiò lu nomu dû ducatu di Pugghia. Ruggeru e Alfonsu, sennu ca lu secunnu figghiu Tancredi era mortu, poi si trasfireru nta l’ Abruzzi nti li terri papali. Ntâ ḍḍu tempu, â fini dû 1140, la futura sposa di Ruggeru, Elisabetta, arrivò dâ corti di sò patri, Teobaldu II di Champagne. La mugghieri cchiù famusa di Ruggeru, comunqui, era la sò patruna, Emma, la figghia di Acardu II, Cunti di Lecci, cu cui appi dui figghi illeggittimi,

Tancredi, ca addiviantu doppu re, e
Gugghiermu (doppu lu 1137 - 1167/68).

Ntô 1149, a appena trent'anni, lu duca Ruggeru murìu n circustanzi scanusciuti. Fu lamintatu dû pueta àrabbu Abu ed-Daw, chi dissi, "li vrazza dî curaggiusi cadìru... e l'eloquenti circaru li palori in vanu." Ruggeru fu sippillutu ntâ cappella di Santa Maria Maddalena vicinu â vecchia Cattiddrali di Palermu. Doppu fu trasfirutu nti na cappella omònima ora ntâ caserma di San Giacumu. Lu sò succissuri fu l'ùnicu frati supravvissutu, Gugghiermu, addivintatu appoi Re di Sicilia.