🚀 Advanced: Borgund – Møre og Romsdal – Store norske leksikon

Borgund var ein landkommune som heilt omkransa bykommunen Ålesund.

Borgund kommune ved folketellinga i 1960

Kart fra SSB.

Lisens: NLOD (Norsk lisens for offentlige data)

Borgund kyrkje er ei mellomalderkyrkje i stein. Tårnet vart bygd etter ein brann i 1904, ein brann påsett seinare same året som den store bybrannen.

Borgund kyrkje

Av Dag Bertelsen.

Lisens: CC BY SA 3.0

Borgund var ein kommune i Møre og Romsdal som vart oppretta i 1837 ved innføringa av det lokale sjølvstyret i Noreg. Frå 1968 vart Borgund slått saman med Ålesund til Ålesund kommune.

Faktaboks

Uttale: Bårgån(d), Børgån(d)

Borgund var ein landkommune som omkransa bykommunen Ålesund. Ved samanslåinga med Ålesund i 1968 besto Borgund nesten bare av øyer; dei større øyene med fastlandssamband var Sula, Ellingsøya, Heissa, Nørve og vestre delen av Uksenøya. I Åsefjorden i sør høyrde dei to mindre øyene Tørla og Humla til kommunen.

Borgund er i dag eit sokn i Ålesund kommune. Soknet omfattar den austre delen av Nørve og den vestre delen av Uksenøya med Spjelkavik. Borgund kyrkje ligg lengst vest på Uksenøya.

Historiske grenseendringar

Fram til 1908 vart tre område utskilt frå Borgund: I 1849 vart Skodje oppretta som eigen kommune, i 1875 vart eit område med 902 innbyggarar overført til Ålesund, og ved ny utskiljing i 1908 vart Giske oppretta som eigen kommune.

I perioden fram til kommunesammenslåinga med Ålesund i 1968 hadde Borgund så fire grensereguleringar mot nabokommunane: I 1916 vart eit mindre område (14 personar) overført frå Skodje, i 1922 eit område med 1148 personar innlemma i Ålesund, i 1958 eit område på Sula (68 personar) overført frå Hareid, og i 1965 vart Borgunds område nord for Grytafjorden (1191 innbyggarar) overførte til Haram.

I 1977 vart Sula (6303 innbyggarar) skilt ut som eigen kommune.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må vere logga inn for å kommentere.

Fagansvarleg for Ålesund

Lars Mæhlum

Cand.mag.