路

路與道，由甲處通去乙處，供人行，或車馬等行，行綫穏定，可以反覆來回。甚至鋪靚，防風雨沖散，草木侵道，亦方便行走。古代有名，多數都叫道，如馳道、驛道，近代相反，多數叫路，如公路、馬路。亦有合稱道路。

今下道與路，以汽車為主，按行速闊窄亦有分級。當然亦有專門行人，行單車，或者騎馬嘅路。由於地勢唔同，山水阻隔，或者安全，交通暢順等，會起橋、隧道等。

山地來講，人可以行梯，馬亦行到。而汽車，就唔行得太斜，故此山地車路，都要起得份外兜轉，以減斜度。

亦有道路，近代專門，如鐵路或鐵道，鋪鐵軌行車。或水上行舟，水面窄，多船行，叫水道或水路，又或者航道。

名

道字金文，行字中間夾首夾止。行原指十字街口。道，引伸做所行之綫。

路字金文，足與各，「各」有「入」同「到」之意。路，引伸做行到某處。

所以兩者互通，終指行綫。有時合稱道路。

徑，車行唔到嘅路，人馬等可以通行。

英文road，出自古英文rād，馬背上之旅程。與騎馬ride同源。所以繙做馬路。^{[未記出處或冇根據]}如今多指車路。