食鹽

食鹽，日常生活經常簡稱叫鹽，係主要由氯化鈉組成嘅可食用礦物。佢係最常見嘅調味料，有鹹味。

食鹽根據鹽粒大細，可以分為粗鹽同幼鹽，粗鹽鹽粒較大，幼鹽鹽粒較細。

食鹽又可以分為生鹽同熟鹽，生鹽「味鹹而甘」，熟鹽「其味倍咸」。^[1]

來源

食鹽根據來源，可以分為海鹽、岩鹽同湖鹽。海鹽係由海水曬乾而得。

食鹽可以加其他嘢做成其他味道嘅鹽。譬如加甘草粉炒就可以整成甘草鹽，再加辣椒粉又成辣椒甘草鹽之類。

食鹽响人類嘅飲食文化當中有相當重要嘅角色：世界各地嘅菜系都有用到食鹽或者鹹味重嘅原材，例如齋講粵菜就有鹹魚同鹹蛋等，而且鹹味又被指可以帶出肉類嘅鮮味，所以啲人煮飯整海鮮、煎蛋或者煲湯嗰時亦成日會落鹽同生抽等嘅調味料，令食物有鹹鹹哋噉嘅味。

↑ 《廣東新語》（清朝‧屈大均）：「粵有生鹽、熟鹽，熟鹽產歸德等場，成於火煎，性柔易融化，味鹹而甘，便於調和，水居之民喜食之。生鹽產淡水等場，成於日曬，性剛能耐久，其味倍咸，食之多力，山居之民喜食之。」

呢篇食鹽係關於食物嘅楔位文章，重未完成嘅。麻煩你幫手補充佢嘅內容。