Gremlins

Gremlins
Jatorria
Argitaratze-data	1984
Izenburua	Gremlins
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Honen izena darama	Gremlin
Ezaugarriak
Genero artistikoa	monster film (en) , comedy horror film (en) eta Gabonetako filma
Iraupena	106 minutu
Kolorea	koloretakoa
Telesaila	Gremlins (en)
Grabazio lekua(k)	Los Angeles
Zuzendaritza eta gidoia
Zuzendaria(k)	Joe Dante
Gidoigilea(k)	Chris Columbus
Antzezlea(k)
	Zach Galligan ; Phoebe Cates Kline ; Hoyt Axton ; Polly Holliday ; Frances Lee McCain (en) ; Corey Feldman ; Judge Reinhold ; Keye Luke ; Scott Brady ; Dick Miller ; Harry Carey ; Steven Spielberg ; Charles Jones ; Edward Andrews ; Glynn Turman ; Jackie Joseph ; Jerrald Goldsmith ; Jonathan Banks ; William Schallert ; Nicky Katt ; Michael Winslow (en) ; Peter Cullen ; Kenneth Tobey ; Belinda Balaski ; Tom Bergeron (en) ; Joe Brooks ; John C. Becher
Ekoizpena
Ekoizlea	Michael Finnell
Konpainia ekoizlea	Amblin Entertainment
Ekoizle eragilea	Steven Spielberg
Edizioa	Tina Hirsch
Bestelako lanak
Musikagilea	Jerrald Goldsmith
Argazki-zuzendaria	John Hora (en)
Fikzioa
Kontakizunaren tokia	Kingston Falls (en)
	ikusi Gizmo eta Stripe;
Argumentu nagusia	Abeltzaintza eta erantzukizuna
kronologia

Gremlins, euskaraz: «Gremlinak», 1984ko Joe Dante estatubatuarrak zuzendutako umorezko komedia film bat da. Europar mitologiako gremlin direlako izakietan oinarritua dago. Zach Galligan, Phoebe Cates, Hoyt Axton, Polly Holliday, Frances Lee McCain eta Corey Feldman aktoreek antzetu zuten.

Teorikoki beldurrezko filma bat izan arren, bertan agertzen diren umorezko eszena ugariei esker berehala mundu osoko haur eta gazteen gustuko filma bilakatu zen, ondorioz haurren artean Mogwai izakiaren panpina ugari saldu ziren.

Izandako arrakasta itzel horri esker 1990an Gremlins 2: The New Batch (Gremlins 2: Belaunaldi Berria) izeneko jarraipena izan zuen.

Argumentua

Oharra: Atal honek istorio osoa edo amaiera argitzen du.

New York, Chinatown auzoa. Rand komertzialak (Hoyt Axton) bere seme Billyri (Zach Galligan) eguberritako oparia egiteko asmoz txinatar denda batean sartu eta Mogwai deritzon izaki bitxi eta onbera bat erosiko du.

Baina Rand hiritik herrira itzuli eta semeari izakia oparitzean, itxuraz opari xalo eta maitagarriena dirudienaren zaintzak berarekin batera ardura handia dakar, gaizki zaindu ezkero herri osoa beteko luketen Gremlin izeneko izaki txiki, bihurri eta zakar andanaren sorrera iturri izan bailiteke, gremlin maltzur eta zital talde hauen buruzagia Stripe da, hain zuzen ere, Mogwai zintzo eta xaloaren antitesia. Arazoa Billyk istripuz Mogwai zaintzeko ezinbestekoak diren hiru arauak banan-banan hausten dituenean hasiko da:

Gauerdia ondoren janik ez ematea
Ez bustitzea
Eguzkiaren izpipean ez jartzea

Aktoreak

Zach Galligan: Billy Peltzer
Phoebe Cates: Kate Beringer
Hoyt Axton: Randy Peltzer
Frances Lee McCain: Lynn Peltzer
Corey Feldman: Pete Fountaine
Keye Luke: Wing jauna
John Louie: Wing jaunaren biloba.
Dick Miller: Murray Futterman
Jackie Joseph: Sheila Futterman
Polly Holiday: Ruby Deagle
Judge Reinhold: Gerald Hopkins
Edward Andrews: Roland Corben
Chuck Jones: Jones
Robby the Robot: Bere burua antzeztuz

Ahotsak

Howie Mandel—Mogwai
Frank Welker—Stripe
Marvin Miller—Robby robota

Kameoak

Steven Spielberg: bizikleta birziklatuan doan gizona.
Tom Bergeron: telebistako berriemailea.
Jerry Goldsmith: telefono kabinako gizona.
William Schallert: Aita Bartlett

Anekdotak

Hona hemen filmari buruzko anekdota eta bitxikeria harrigarrienak:

Gizmo eta Stripe pertsonaia bera ziren jatorrian.

Hasierako gidoian, Gizmo politak eta Stripe gaiztoak izaki bera izan behar zuten. Istorioaren arabera, Gizmo bera bihurtzen zen gremlin gaizto nagusi. Hala ere, Steven Spielbergek pentsatu zuen ikusleek Gizmo maiteko zutela eta pertsonaia lagunkoi gisa mantentzea eskatu zuen, Stripe gaiztoa pertsonaia independente bihurtuz.

PG-13 kalifikazioaren sorrera.

Filmak eragin handia izan zuen MPAA estatubatuar zentsura sisteman. Izaki bat mikrouhin-labean lehertzen den eszena edo irabiagailuarena bezalako une bortitzen ondorioz, guraso asko kexatu egin ziren (filmak "guztientzako" PG kalifikazioa zuelako). Hori dela eta, Indiana Jones and the Temple of Doomekin batera, PG-13 kalifikazio berria sortzea eragin zuen, haurrentzako gogorregiak ziren baina helduentzako soilik ez ziren filmei lekua egiteko.

Tximinoekin egindako proba porrot bat izan zen.

Animatronikoak eta txotxongiloak erabili aurretik, ekoizleak gremlinak antzezteko tximino errealak erabiltzen saiatu ziren. Rhesus tximino bati gremlin mozorro bat jarri zioten, baina animaliak izua hartu eta edizio gela osoan zehar korrika eta pixa eta kaka egiten hasi zen. Ideia berehala baztertu zuten.

Gidoi originala askoz ilunagoa eta basatiagoa zen.

Chris Columbus gidoilariak idatzitako lehen bertsioa beldurrezko film purua zen. Adibidez, eszena batean gremlinek McDonald's jatetxe bati eraso eta han zeuden bezero guztiak jaten zituzten. Horrez gain, Billyren amari burua mozten zioten eta eskaileretan behera jaurtitzen zuten. Spielbergek umore puntu bat gehitzea eskatu zuen dena leuntzeko.

Txotxongiloak: teknikarien amesgaiztoa eta dardoak.

Gizmo eta gainontzeko izakiak mugitzeko animatronikoak oso garestiak eta konplexuak ziren, eta etengabe apurtzen ziren. Lantaldea hain zegoen nekatuta txotxongiloekin, non Joe Dante zuzendariak eszena bat gehitu zuen gidoian gremlinek Gizmo diana bati lotu eta dardoak jaurtitzen dizkiotena. Teknikariek eszena hori asko disfrutatu zutela esaten da.

Back to the Future filmeko herri bera da.

Kingston Falls herria ez da existitzen; Warner Bros eta Universal Studios ekoiztetxetako dekoratu multzo bat da. Bitxia bada ere, dekoratu hori bera (Courthouse Square) erabili zen urtebete geroago Back to the Future ospetsuko Hill Valley herria sortzeko.

Filma zinemazaleentzako kameo eta keinuz beteta dago:

Steven Spielberg bera agertzen da asmatzaileen azokan, gurpil-aulki elektriko bat gidatzen.
Azoka berean, atzealdean, The Time Machine (1960) filmeko denboraren makina erreala ikus daiteke.
Zineman gremlinak ikusten ari diren filma Disneyren Edurnezuri eta Zazpi Ipotxak klasikoa da, eta abestu ere egiten dute.

Ikus gainera

Gremlin: Europar mitologiako izakia.
Mogwai: Txinatar mitologiako izakia.

Kanpo estekak

Gremlins filmaren IMDBko fitxa irakurgai (Ingelesez)
Gremlins filmaren trailer edo iragarkia ikusgai. Youtube.com (Ingelesez)

Datuak: Q241958
Multimedia: Gremlins (film) / Q241958