Həkimlər pasientə öz "yemək" vərdişlərini dəyişmədən və ciddi pəhrizə əyləşmədən normal həyat keçirməyə imkan verən əlavə çəki ilə yeni mübarizə üsulunu testdən keçirirlər. Kalori sərfini məhdudlaşdırmanı Amerikanın EnteroMedics şirkətinin hazırladığı VBLOC elektron implantantı təmin edir.
   Cihaz insanın bədəninin qurşaq nahiyəsinə daxil edilir. Lakin insanın dərisinə çox kiçik kəsik vasitəsilə yaxında yerləşən əsəbə bərkidilmiş bir cüt elektrod daxil edilir. VBLOC əsəb impulslarının ötürülməsinin qarşısını alan və 5 kilohers tezliyi olan zəif siqnallar generasiya edir.
   Bu cür müdaxilənin effekti çoxtərəflidir. Birincisi, "aclıq siqnalı" aradan qaldırılır, ikincisi, beyinlə əlaqə olmadan mədə yemək zamanı genişlənmir, belə ki, o, adi vaxtlarda olduğundan tez dolur, üçüncüsü, sözügedən əsəbin əhatəyə alınması mədə şirəsi sekresiyasının azalmasına və həzmin intensivliyinin məhdudlaşmasına gətirib çıxardır.
   Cihaz heç də daim işləmir, hər beş dəqiqədən bir müəyyən vaxta qədər fəaliyyət göstərir, lakin bu dövri müdaxilə pasientin heç bir aclıq əziyyəti keçirmədən adi vaxtda olduğundan az yeməsi üçün kifayət edir.
   VBLOC-un implantasiya olunduğu onlarla adamlar üzərində keçirilən testlərin ilk seriyasında onların orta hesabla 29,1 faiz əlavə çəki itirdikləri məlum olub. İndi isə cihaz sınaqların həlledici, əsas mərhələsinə daxil olmaqdadır, yəni VBLOC əlavə çəkidən əziyyət çəkən 300 pasient üzərində yoxlanılacaq.
   Texnologiya müəllifləri qeyd edirlər ki, kalori tələbatının cərrahi qaydada məhdudlaşdırılması üsulları, yəni mədənin şuntlaşdırılması və bandajdırılması (yeməyin bir hissəsi mədədən kənar yolla buraxılır) onun travmatik əməliyyatından başqa bir şey deyildir.
   Bu zaman bir çox pasientlər lifli yemək və ətin həzm olunması problemi ilə üz-üzə qalır. Ürək bulanmasından və qusmaqdan şikayətlənirlər. Doğrudur, VBLOC-la sınaqdan keçirilən bəzi xəstələr də ürək bulanmasını qeyd etmişlər. Lakin bu o qədər də güclü olmamışdır.
   Kökəlmə ilə yeni mübarizə üsulunun əsas üstünlüyü onun o qədər çətin olmayan əməliyyat yoludur. Axı əsəbə bərkidilmiş bir cüt naqili az travmatik əməliyyat yolu ilə kənarlaşdırmaq asandır. Bununla belə, EnteroMedics şirkətinin mütəxəssisləri VBLOC-un daha da təkmilləşdirilmiş versiyası üzərində işləyirlər. Bu versiyaya görə, onu insanın bədəninin xaricinə deyil, həzm orqanlarına implantasiya etmək mümkün olacaqdır ki, bu da bədəndə heç bir çapığın qalmasına səbəb olmayacaq.
   

Almaniyanın "KSP Engel and Kiefer" memarlıq bürosu və Darmştadt "Krebs and Kiefer" injinirinq şirkəti Əlcəzairdə məscid tikintisinə dair müsabiqənin qalibi olmuşlar. Minarəsi 214 metr hündürlüyündə olacaq məsciddə 40 min adam ibadət edə biləcəkdir. Bu minarənin hündürlüyü yalnız Məkkə və Mədinə şəhərlərindəki məscidlərin minarəsindən az olacaqdır. Məscidin tikilməsinə dair bu böyük müqavilə Almaniya kansleri Angela Markelin bu yaxınlarda Əlcəzairə səfəri zamanı imzalanmışdır.
   

Fransa aviaşirkətlərindən birinin stüardessası adi şokolad yeyib və onun kağızında kosmik gəmidə suborbital uçuş müsabiqəsi qalibinin kodunu taparaq kosmosa pulsuz uçmaq imkanı əldə etmişdir.
   Kitkat şokolodlarının istehsalçısı olan "Nestle" şirkətinin Fransada təşkil etdiyi müsabiqənin qalibi Oklahoma-sitidə (ABŞ) dörd gün astronavtlarla məşq etmək və Rokketplane XP şirkətinin dördyerlik kosmoplanında kosmosa uçmaq imkanı əldə edir.
   Xoşbəxt biletin sahibi, 32 yaşlı Matilda Epron əvvəlcə udmaq imkanına inanmayıb şokolad kağızını zibil vedrəsinə atmış, lakin iki saatdan sonra intuisiyasının təkidi ilə onu götürmüşdür. Kağızın daxili tərəfində həmin kodun yazıldığını görən Matildanın sevincinin həddi-hüdudu olmamışdır.
   Rokketplane XP şirkəti kosmosa kommersiya uçuşlarını 2010-cu ildə təşkil etmək niyyətindədir. Lakin uçuşu 2011-ci ilədək təşkil edə bilməsə, "Nestle" Matildaya 147 min avro məbləğində müavinat ödəməyi öhdəsinə götürmüşdür.
   

İnsan üçün ən təhlükəli heyvan inək elan olunmuşdur. Amerikalı alimlərin fikrincə, bu məməli heyvan ətraf mühit üçün çox böyük gərginlik yaradır. Bu barədə BMT-nin Elm və İctimai Maraqlar Mərkəzinə istinadən Washinqton Profile qəzeti məlumat verir.
   Birincisi, ət emalı sənayesinin mənfi nəticələrindən biri meşələrin məhv edilməsidir. Amazon cəngəlliklərində əvvəllər mövcud olan sahənin təqribən 70 faizi indi iribuynuzlu mal-qara üçün otlaq kimi istifadə edilir. ABŞ-da ət emalı məqsədilə heyvanların yemlənməsi üçün becərilən qarığdalının 80 faizi, soyanın 90 faizi və taxılın təqribən 70 faizə yaxını məsrəf olunur.
   İkincisi, kənd təsərrüfatı heyvanları planetdə bütün içməli suyun 58 faizini mənimsəyir, belə ki, bir litr südün istehsalı üçün onlar 9 litrə yaxın süd sərf edir. Bu heyvanlar həmçinin eroziya hallarının 55 faizinə, pestisidlərdən istifadə hallarının 37 faizinə səbəb olur. İnəklər qlobal istiləşməyə gətirib çıxardan buxar qazlarından biri olan metan buraxır. Əlbəttə, sənaye sahələri də metanın mənbəyidir, lakin iribuynuzlu heyvanların payına bu cür zərərli tullantıların 37 faizə qədəri düşür.
   Eləcə də ABŞ Kənd Təsərrüfatı Nazirliyinin məlumatına əsasən, ölkədəki mal-qara hər il 60 milyon tondan çox peyin istehsal edir. Bu isə insanın həyat fəaliyyətindəki tullantının miqdarından 130 dəfə çoxdur. Bir neçə il əvvəl BMT belə bir hesabat dərc etmişdi ki, inəklər atmosferə ümumilikdə götürülmüş avtomobil nəqliyyatından daha çox zərər verir.
   Bu sahədə inəklərlə digər heç bir ev heyvan yarışa girə bilməz. Alimlərin fikrincə, Yer kürəsində mövcud olan1,5 milyard inək qlobal istiləşməyə səbəb olan bütün buxar qazlarının 18 faizinin ayrılmasına gətirib çıxardır. Gübrələrin istehsalı və ətin hazırlanması üçün istifadə edilən yanacağın yandırılması isə dünyadakı karbon qazlarının 9 faizini təşkil edir. İnəyin buraxdığı qazlar və peyin ümumilikdə atmosferə düşən metanın 1/3-ni təşkil edir ki, bu da Yer kürəsini karbon qazından 20 dəfə tez qızdırır.