Во тешка сообраќајна несреќа која се случила синоќа загина македонската кошаркарска величина, Благоја Георгиевски. Несреќниот момент се случил во скопската населба Кисела Вода, поточно кај сервисот „Скендеровски“.
Благоја Георгиевски е роден на 15 октомври во Скопје. Најголем дел од својата играчка кариера ја помина во Работнички, а импресивни се бројките кои го следеа низ професионалната кариера. По завршувањето на активното играње кошарка, Буштур остави трага и во тренерската кариера и кариерата на спортски работник.
Играчка кариера:
– Член на младинска репрезентација на поранешна Југославија со која, под селекторската палка на Лазар Лечиќ, стигна до балканската шампионска титула во 1970 година.
– Полуфинале на Европското младинско првенство 1970 година во Атина.
– Европски вицешампион со репрезентацијата на поранешна Југославија на Европското првенство 1971 во Западна Германија.
– Олимписки вицешампион од ЛОИ 1976 во Монтреал што е најголем успех во историјата на еден македонски кошаркар.
Тренер и спортски работник:
– Селектор на македонската сениорска репрезентација
– Член на УО на КФМ и на Собранието на Македонскиот олимписки комитет
– Претседател на Олимпискиот совет при МОК
– Член на Клубот на великаните на Македонскиот олимписки комитет од 1997 година
– Амбасадор на Специјалните Олимписки Игри.